Wi snackt Platt: Finkwarder Kutter-Dööp un "Deutschstunde" bi Ohnsorgs

Dütmal kiekt wi bi "Wi snackt Platt" op Finkwarder vörbi! Heel
Finkwarder weer op de Been, üm tohoop to singen un de Dööp vun den
Finkwarder Kutter HF 575 to fiern. Wi weern dorbi. Denn geiht dat
ok noch üm dat ne’e Ohnsorg-Stück “Deutschstunde - Biller in’n
Flammen” na den bekannten Roman “Deutschstunde” vun Siegfried Lenz
- een Stück mit ganz veel Deepgang, dat to Harten geiht. Man dor is
ok noch de anner Siet vun düsse Inszeneern: denn so veel
Hoochdüütsch weer woll noch nich to beleven bi en normal
Speeltiet-Stück op de grote Bühn vun't Ohnsorg. Bi "Wi snackt
Platt" vertellt wi Jo mehr över dat Stück - un wi stellt mal wedder
de Fraag: woveel Hoochdüütsch dörv ween in't plattdüütsche Theater.
Dorto freit wi uns ok op Text- oder Spraaknarichten vun Jo: över
uns NDR Hamborg-App, per Email an 903platt@ndr.de oder via Telefon
ünner 0800 903 903. Kössen deit de Anroop för Jo nix.