Wi snackt Platt: To Besöök in't Millerntor-Stadion vun'n FC St. Pauli

In düsse Utgaav vun "Wi snackt Platt" nimmt uns Sönke Albertsen mit
op en exklusiven Törn dör dat Millerndoor-Stadion vun'n FC St.
Pauli. Wi sünd in't Vereens-Museum to Besöök, kiekt uns den Oort
an, woneem de Dopingkontrullen maakt warrt - un dat geiht rin in'e
Spelerkabien mit den övermannsgroten Dodenkopp an de Wand. Dorto
smiet wi ok noch en Blick in de Separées, de Firmen anmeden un ganz
na ehrn egen Stil ümboen köönt - un wi verraadt Jo dat Geheemnis,
woso de Gegners vun'n FC St. Pauli sik lever warme Ünnerbüxen
antrecken schullen, wenn se an't Millerntor speelen doot.