Schmittenand

GOOOLAAZOOOO!! Hüt hemmer de Riyan (aka Nukes) bi eus zGast. De Riyan isch Liideschaftliche Rocket League (Autofuessball) Spieler und das sogar sehr guet. So guet das er zu eine vode bekannteste Rocket League Esportler ide Schwiiz zellt. Mir redet mit ihm drüber was das gnau heisst, wies dezue cho isch, aber au über Ziite wos nöd so eifach gsi isch und en Usbruch vo Dihei sini einzigi Chance gsi isch sich wieder neu im Lebe ufzstelle. Sind gspannt uf en sehr spezifische, aber au emotionale Talk! Viel Spass bim lose! Love you Bro!

EIFACH EN FUCHS DIHEI?!?  Das Video stammt vo dem Herr womer hüt bi eus ide Folg als Gast hend. Aber er macht viel meh als nur lustigi Videos. de Ale macht Content uf Schwiizerdütsch uf Insta, Tiktok und au in Livestreams uf Twtich. Zuesätzlich isch er grad selber im Ufbau vo sinere eigene Clothing Brand. Mir redet über sin Werdegang, sini Hochziit, dEntwicklig vode Brand und über ganz ganz viel Mindset. Viel Spass mit de neue Folg! Love you bro!

TWENTYYYFOOURR! Öpe so viel Lachflashs hemmer die Folg gmeinsam gha. Diesmal begrüessemer de Batu! Er isch Musiker us St. Galle und mer redet hüt mit ihm über sin Werdegang, sini krassi Reis nach Manchester und über weniger schöni Ziite us de Vergangeheit. Schnall dich ah und sing mit! Love you bro! :) LG Schmitti

Du hesch so Glück gha .. zumindest würdet das die meiste sege. Ih eusere hütige folg begrüessemer dAyla, wo öpis macht wo für sehr viel Lüt als Traumjob bezeichnet wird. Sie schaffed by Gadget, emne Schwiizer Unternehme wo ide Musigbranche tätig isch. Mir redet mit de Ayla über ihres Lebe, wie sie de Job und sStudium balanced, warum sie World of Warcraft kennt und de Abstecher id Deeptalks derf natürlich au nöd fehle! Viel Spass mit de folg! Love you Bro!