Lappi tue t Ohre uf! - Im Kanton der aufgehenden Sonne

Schomal ihgsperrt gsi? Nöd so nice, usserd du zahlsch defür und chasch bim Usbreche Rätsel löse! De Flo und de Leon sind zwei Jungunternehmer und alti Fründe vom Ju und mir und sie verzelled vo de Entstehigsgschicht vo ihrne zwei Escaperüüm in Schaffhuse.

Ohre, Zeche, Achsle oder doch de Elleboge...? Zum e wiiteri Frog wo eus nie öpper stelle würd z beantworte zelled de Ju und ich eusi verhasstiste Körperteil uf.

De Ju und ich verzelled eu i dere Episode über eusi Erfahrige mit em Übernatürliche. Em Unheimliche. Em Unfassbare. Oder doch ehner.. Emne Storch?

Zur Ziit es sehr hitzig diskutierts Thema, Klimaaktivismus und wie me richtig aktiv wird. De Tim isch bi de ''Letzte Generation'', e Klimabewegig wo di letzte zwei Johr immer wieder i de Schlagzeile gsi isch. Dur Strosseblockade, Konzertunterbrüch und andere Forme vo zivilem Ungehorsam mached sie uf sich ufmerksam. Was ihri Ziel sind, mit was vör Reaktione us de Bevölkerig sie konfrontiert werded und was vör Lüt bi ihne mitmached, erfahreder i dere Episode.