Mariette Lentz: "Radio Days", 12/03/2020

Léierin war se an engem éischte Beruffsliewen, mä dobäi huet se och
de Gesank entdeckt.

Haut ass d’Mariette Lentz a béide Funktiounen aktiv: als
Sopranistin op de Musekbünen an als Gesanksproff am Conservatoire
zu Ettelbréck. Ëmmer erëm begeeschtert se sech awer och fir
besonnesch Projeten. Een esou e Projet heescht „Radio Days“ a
beschäftegt sech mat dem Radio a senger Musek an de Joren tëscht
1930 an 1955. Ausserdeem trëtt se mam Ensembel Kammerata Luxembourg
op.