Folge #35: Eifach öppis 3.0

Ih dere Folg erwartet eu wieder klassisch tuusig Theme rund um de
Alltag vom Marco und em Thomas. Unter anderem wie de Thomas mit
sinere Partnerin und em Dackel uf de grossi Mythen gwanderet
isch. Aber natürlich au es Update zum Huus-Chauf vom Marco und
sinere fragwürdige Methode bezüglich Recherche. Mittlerwiile isch
au Baue eh Option. Als flinkes Wiesel het de Marco sini Muetter
stets uf Trab ghalte und daher berücksichtigt er das jetzt bi sim
Layout im Huus. Au de Krypto-Dip griffed mer uf und erwähned
wüsseschaftlich fundierti Prognose für de Finanzmarkt im Oktober,
gstützt uf de Simpsons-Vorhersag. Denn isch de Thomas no mit sim
Göttibueb im Züri-Zoo gsi, natürlich mit em Aktionärsticket vo
sinere bessere Hälfti (wahri Fans kenneds). Denn gits no eh
Töffli-Story vom Marco, sowie eh Pizza-Story vom Thomas. Zudem
isch de Marco bald im Norde uf eme Chrüzfahrtschiff unterwegs,
wenn er nöd grad vo Transa-Verchäufer berate laht, zums nacher
online bstelle. Und falls dir das immer nanig zueseit, denn
dürfti dich wenigstens interessiere, dass sich euse Podcast
schiins ideal eignet zum während em eint oder andere Marathon
lose. Ganz viel Spass mit hoffentlich no Grinse im Gsicht bim
lose!





langunddickpodcast@gmail.com


⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠Linktree⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠
(Links zu TikTok, Instagram, Youtube, etc.)


Falls du euse Podcast mit eme virtuelle Kaffi unterstütze
möchtisch, chasch das ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠HIER
⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠mache.