#136 Dee mam Gilles (heterosexuelle Quotenmann)

Treffen sech dräi Labertaschen am "Quai" zu Maacher... Nee, et ass
kee Witz, mee eis aktuell Summerepisod mam Gilles Reuter, dee vill
iwwer Naturwäin, seng Dadaen an Éisträich (wou onsympathesch sinn
an Haass en Deel vun der Kultur sinn) ze zielen huet. Tëscht Wiener
Baren an engem feelende Kölner Stadzentrum geet et och ëm
TV-Entspanung fir Leit mat rouden Aen, Serië fir d'Häerz an
ugepisste Kanner (literally). Et gëtt wëll an onfiltréiert, well
mat dobäi sinn ënner anerem d'Martine an den (toxic) René, e
Lausbouf-Igel, dee vill drénkt, petty Polizisten an d'punkegt
Chappell Roan. Äert biodynamescht Trio beschwätzt verjärte
Strofdoten, Terrorverdacht beim Taylor, Autosgeschichten tëscht
"Arts et Métiers" an "ECG" an de Lëtzebuerger Vocabulaire. Wat ass
e PetNat? Gi mir no dësem Podcast vum Kai Pflaume verklot? Wéi
gesäit et am Backstage bei "Rammstein" aus? A ween huet mat de "No
Angels" Schampes op der "Päischtcroisière" gedronk?