Angscht a Schrecken op enger grousser Demonstratioun, am Wahlkampf an am Examen

Wéi déi meescht vu mengen Nolauschterer wahrscheinlech wëssen,
haassen ech Optragsarbeschten. Wat natierlech awer kaum een
dovunner ofhällt, trotzdem no Episoden zu engem bestëmmten Thema ze
froen. Déi meescht Nolauschterer hunn wahrscheinlech och bemierkt,
dat et elo iwwer eng länger Zäit keng nei Episode vun hirem/hirer
Lieblings- gonzojournalistesche Podcast respektiv Radioserie ginn
ass. Wat ganz einfach dorunner geleeën huet, dat ech Examen hat.
Wat zwar en formidabele Lieferant fir Angscht, Schrecken, Terror a
Grauen ass, engem awer net wierklech d’Zäit léisst, dat alles
uerdentlech ze veraarbechten. Ech war jo frou, wann ech Zäit hat,
mech ze duschen.