Angscht a Schrecken mam Kulturkleeschen

Am Fong war déi läscht Woch eng gutt Woch. De Radio ARA krut eng
nei Frequenz zou- a versprach, nämlech déi vum DNR. Dat war de
Versuch, d'Frëmmegkeet vu Radio Vatikan mat schlechtem Musekgoût ze
verbannen. Dat ass net opgaangen an elo kritt den eenzege fräie
Radio am Land d'Frequenz 102,9. Dat ass gutt, well mat dem Move vun
103,3 op 103,4 stounge mir mat engem hallwe Fouss an der Piraterie.
Besonnesch schéi war, dat dës Noriicht an der Woch vum 6. Dezember
koum. De Kleeschen an den ARA hunn eng besonnesch Bezéiung, den ARA
ass nämlech virun 22 Joer vum Kleesche bruecht ginn.