Held & Retter

No enger vil lze laanger Paus sinn mir erem met engem aktuellen Sujet do: den Handyverbot am Lycée. De Gilles ass net begeeschtert vun der Iddi vum digitale Verzicht, de Lukas analyséiert gewinnt kritesch d'Logik vun de Verbueter. Schnell geet et ëm méi wéi just TikTok-Entzug: Ass Verzicht de richtege Wee fir méi Fräiheet? An wat ee gewënnt, wann ee "Nee" seet?

Mol eppes aneres: De Gilles an de Lukas beäntweren d'Froe vun de Schüler a verléieren sech an de ganz grousse Froe vum Liewen. Vun egoisteschem Gléck iwwer de Stress mat den Elteren bis hin zu der Fro, ob ee léiwen kann, wann ee selwer ni geléift gouf. Wat prägend Filmer an Idole mat deem Ganze ze dinn hunn, gitt der natierlech och gewuer.

Mol eppes ganz neies: De Gilles a Lukas diskutéieren iwwer d'neit Buch vum Philosophe Markus Gabriel "Gutes Tun. Wie der ethische Kapitalismus die Demokratie retten kann" a schwätzen doriwwer. De Gilles ass begeeschtert (obwuel hien d'Buch net ganz gelies huet), de Lukas ass méi kritesch (well hien d'Buch ganz gelies huet) a schnell geet et ëm méi wéi Demokratie a ethesch Kapitalismus. Wat dat eigentlech si soll a wéi mer en ëmsetze kenne gitt een natierlech trotzdeem gewuer.

De Lukas fascht a de Gilles drénkt Béier. De Gilles freet de Lukas, firwat hien fascht. De Lukas äntwert mat allerlee Philosopheschem. De Gilles ass net richtegt iwwerzeegt, äntwert awer och sengersäits mat allerlee Philosopheschem. Am Enn huet de Gilles méi Béier gedronk wéi de Lukas. A doriwwer ass de Lukas dann dach e bëssen traureg