GOODlancer Archiv

S'Branko Syndrom han ich selber erfunde und Branko, falls du dir gege dini Pension zue no Social Media zue tuesch: Du bisch super und es isch absolut nöd bös gmeint ;). Zudem han ichs dir au scho es paar mal is Gsicht gseit. De branko han ich i minre @bexio Zit kenne glernt. Er fungiert als Treuhänder, isch nöch a de Pension, schafft unheimlich viel, het viel Pech i sim Lebe gha und jetzt söll er für en Chund au na es neus System kenne lerne? "wart, chasch nomer erkläre, i chum nöd drus", "chani jetzt do drucke?", "und das isch etz eifach gspeicheret?". Das sind Sätz, wo ich non stop ghört ha. Mir sind Facebookfründe worde, er het mir zu mine Chind gratuliert und er het sich au immer sehr für's Hockey vo mim Maa interessiert. Er het mich globt und isch dankbar gsi, aber selber het er immer gseit "i cha das nöd", "ohni di wür das nöd gah" etc.... Ganz ehrlich: ganz ohni mi wärs viellicht würkli verdammt schwer gsi :D, aber er het das au elei gschafft, wenn er eifach meh Selbstvertraue het. Er isch en super Typ, macht mega exakti Arbeit i sim Bruef, er merkt sich Chlinigkeite und er wöt niemertem öpis schlechts. So en Mensch het Anerkennig verdient. Branko: Meh cha au uf Pension no öpis lerne! Es isch nie z'spat!

Hüt gaht's um's Thema Nutzwertanalyse i mim Podcast. Was isch das? Wie wend ich das a und wie hilft mir das Tool bi Entscheidige? Usserdem sind mir mega viel Liechter ufgange. Ich verzell eu, wieso ich grad voll ufgah bim Thema Marketing, was Vorteil sind a de Selbständigkeit und wieso, dass es sich lohnt zum öpis probiere. #Nutzwertanalyse #Youtube

Und, was würdest du machen ;)? Diese Folge ist an meine Lieblingszuhörer gedacht, denn es enthält einige Geheimnisse ;).

ach leute, ich ghör die Stimme scho wo segät "jetzt chunt die au na mit dem Zyklus-Thema". Vor allem Männer und ganz ehrlich: denn lesets doch eifach nöd, wenns eu nöd interessiert :D. Aber i bin ehrlich, bis voreme Jahr isch es mir au na so gange und i ha s'Gfühl gha, es git nur na Zyklus-Ernährig, Zyklus-Sportprogramm, Zyklus-Konfitüre, Zyklus-Merchandiseartikel und so weiter und so fort. Denn hets bi @diethronsitzung e Podcastfolg über de wiblich Zyklus geh und für mich hend mit de Dara und de Karin zum erschte Mal i mim Lebe nöd so "gspürsch-mi-fühlsch-mi-fraue" drüber gschwätzt :D. Ich ha agfange min Zyklus eifach us recherche-zweck mal chli z'trackt mit de App @flotracker (mega empfehlenswert!). Und siehe da, ich ha bemerkt, dass ich immer churz vor minä Täg Stimmigsschwankige bechum und Sau schmerze ha. Han das ehrlichgseit vorher nie hinderfröget. Ich ha uf das abe mini Drogistin des Vertrauens, d'Marina vo de @drogerieebnatkappel kontaktiert und gfroget "gits da öpis?". Ich schweif jetzt nöd id Details ab, aber de Mönchspfeffer het mir tatsächlich ghulfe! Und irgendwie hani mi denn mit de Zit uf dem Gfühl usgruebt. I has liecht schliefe loh und aktuell hani gad mini Täg und i ha i letschter Zit s'Gfühl gha, "i bi müed, nöd produktiv, nöd kreativ, schnell gnervt etc." und do isch's mir wie Schuppe vo de Auge gfalle". Es chönt viellicht tatsächlich mit em Zyklus en Zemehang ha. Und will mir bim Dusche immer viel Gedanke chömet, hani doch grad e churzi Podcastfolg ufgnoh dezue :P. Ich gah das jetzt nemli ganz Strategisch a und probier die negschte Tage, Wuche, Monate mal alles mögliche us, damit ich mich i mim Arbets-, Mami-, Ehe, Fründinne-Lebe nach em Zyklus richte. Viellicht gits ja ines paar Mönet mal es Fazit ;). #zyklus #weiblicherzyklus #zyklusimbusiness #weiblicherzyklusimbusiness

Die hütig folgt drüllt sich um es mega wichtigs Persönlichkeitsziel: "Bi sich bliebä". Isch nöd würkli e Businessfolg, sondern eifach es paar Gedanke zu dem Thema, wo eu hoffetli inspirieret :P. #beisichbleiben

Gsehsch das under em Wasser? Das isch de ganzi Brocke wo gleischtet wird vor em Erfolg. Ich bin am Wucheend ame Boxkampf gsi und bi völlig begeisteret hei cho. Da ich de Kämpfer persönlich kenn, hani plus/minus mitbecho wie heftig de Weg isch bis zum Kampf und a dem Tag X hesch 3 x 3 Minute Zit zum abliefere. Wennd KO gahsch bisch de Looser, wenn Gwünnsch bisch de Held. Das isch viellicht grad e recht krassi Situation, aber im Business isch's doch genau glich: Es steckt meischtens so viel Arbet dehinder, bis mer Erfolg het, aber das wo d'Lüt gsehnd isch nume d'Spitze vom Iiisberg und DAS wird beurteilt. I de hütige Podcastfolg red ich über de Boxkampf und ha am Schluss na es Interview gfüert mitre Kollegin vo mir, wo i knapp 2 Jahr 20 Kilo abgnoh het. Wenn mer persönlichi Ziel wöt erreiche, denn laufts nemli genau glich: #1 Ziel klar definiere #2 Was bruchts, zum das Ziel erreiche? #3 Was sind wichtigi ToDo's uf dem Weg #4 De Weg visualisiere #5 Regelmässigi Kontrolle, schitterä, optimiere, Erfolg fiire #erfolg #spitzedeseisberges #harterweg

De Post han ich hüt 1:1 so gseh und hanen so guet gfunde, dass ich en kopiert han :P. Damits nöd ganz so krass kopiert isch, hani en Teil uf schwizerdütsch übersetzt :P. Uf englisch tönet eifach so viel Sache im Business geiler. All die Motivationssprüch tönet will chraftvoller als im Toggenburger Dialekt :D. Als Durchschnittsschwizerin würdi behaupte, dass es allgemein üsi Eigeschaft isch, zum eher chli denke, chli plane, nöd z'gross z'protze mit Erfolg und Bescheide si. Und ich mein das nöd mal umbedingt in Bezug uf ganz grossi Sache wie Firma gründe, Millione Business ufzieh, sondern es fangt scho bi de chline Sache a. Wenn mer öpis wöt, denn duet mer #1 s'Ziel klar definiere, denn stellt mer #2 en guet durchdachte Plan uf, wo uf eim und die aktuelle Lebensumständ zuegschnitte isch, denn #3 macht mer sich ad Umsetzung und duet #4 step by step kontrolliere und apassige vorneh. Wie ime Konzept ;). Und au wenns schwankige iinnerhalb vo de Täg git, wenn mer langfrischtig zume grosse Teil genau so handlet, wie im Plan definiert (80/20 Methode viellicht scho mal ghört?), denn chas nur ufe gah und me wird sis Ziel erreiche! I ha na nie en ergizige Mensch kenne glernt, wo kei Erfolg gha het! Du? #jourjourney #ziel #stepbystep #kmu

Marketingkonzept - again and again and again... Mitme Marketingkonzept isch es doch wie mit em Sport: me muss es immer und immer wieder mache und irgendwenn lebt mers eifach :P. Us aktuellem Alass, han ich e Marketingpräsi müsse üebä und damits üebä nöd ganz so für nüt gsi isch (usser dass i weiss, obi zitlich guet im Rahme bin XD), hani denkt i nimm das als chline Repeter ime Podcast uf. Has natürlich liecht abe broche und probiert so eifach wie möglich z'erkläre. Aber wer Luscht het zum chli Marketingluft z'schnappe, cha sich 45 Minute chli "berislä" loh :D. #marketingkonzept #again #againandagain #againandagainagain

Erwin: En Stern für dich. Du übersetzisch Fachchinesisch wunderbar in Chundäsprach! Aber uf Afang: I de Schwiz wird bekanntlich alles prüeft, so muss au jedes Gschäft, jede Wohnblock, jedes Spital etc regelmässigi SiNa Kontrolle dure füere. Noch nie gehört?!?!?! Ich bi zersch gar nöd drus cho, will mir au e Mitarbeiterin hend, wo sina heisst ... "Wieso wönnds d'Sina kontrolliere?". Uf jede Fall hani denn schnell gmerkt es isch ernscht, es git Buessä wenn mer das nöd macht und en Stempel in Schwizer Pass mit "ungenügend" . Als KMU bechunsch du Listene, wer so Kontrolle dure füert. Am erschte woni aglüte ha, het gseit, sie machet das nüme, es lohni sich nüm für sie. Sie wellet us dere Lischte ... De zweit isch de Erwin gsi vo de Certum Sicherheit AG. Er: Direkt, chunt uf de Punkt und meh het en Termin. S'gspräch isch kei 3 minute gange. Zwar ersch i 4 Mönet, will gad viel los sig, aber er düg grad d'Verlängerig veralasse . Perfekt, genau so sölls si: Ich ha kei Ahnig und drum bini verdammt froh, dass öper das grad so id Hand nimmt. Gescht isch denn de sogenannti Termin gsi mit em Erwin. Typische Handwerker: Irgend en Gurt um de Buch mit diversem Equipement, Arbeitshose, Firme-Shirt, bitz jünger als min Papi und en Koffer mit na meh Equipement. Mir hend grad duzis gmacht und er isch mir eifach vo Afang a sympathisch gsi. Direkt, ufgstellt, authentisch und was mich am meischte beidruckt het: Er het sis Fachchinesisch 1,5h für mich übersetzt. Ganz ehrlich: mis wüsse über Elektrik isch "ich schalt de Liechtschalter a, es wird liecht, ich schalt en us, es wird dunkel". Und er het so gueti Bispiel gmacht. Er het sogar eimal irgend en Verglich mit "Elektronik-Schweissig oder so was" gmacht und em Fitnessbereich . Ich ha das so herzig gfunde, dass er sich Gedanke gmacht het, wie er mir das chan erkläre, da mir es Gschäft i de Fitnessbranche sind Daumen hoch! Wer also au mal sone SiNa Kontrolle muss mache, chan die Firma wärmschtens empfehle (sie sind eifach recht lang usbuecht, aber er nimmt alles für eu id Hand ). #kundensprache #elektrokontrolle #SiNa

Ich bin die letschti wieder so erbärmlich ine Marketingstrategie inne gheit, für es Unternehme, dere Wert ich absolut nöd chan dehinder stah, sodass ich mich zrugg is Studium versetzt han :D... Mir hend 1000 Konzept gmacht und ich ha ja mal glernt, was de Hintergedanke bi Marketing isch: Umsatz, Absatz generiere, Bekanntheit ufbaue, aber d'Lüt söllet eifach: Chaufe! Chaufe! Chaufe! Ich ha grad Bock gha, mini Schuelunterlage füre z'neh und e chlini Podcastfolg zu dem Thema ufzneh :). Am Schluss bin ich sogar für mich na uf en Tipp cho, won ich jedem KMU würd empfehle, aber meischtens schitterets dra, dass mer sich für das wichtige Thema denn doch kei Zit nimmt. Aber au für das hetti e Lösig :P.

Der Titel liesst sich wie ein krimi, ist aber in Wirklichkeit ein super cooler Abend .Wer mich kennt weiss, ich bin für alles z'ha :P. Geschter Mittag het mir mini lieb Kollegin gschriebe, ob ich Luscht han, am Abig im Gastro uszhelfe. Sie het bime Ice Hockey Club d'Leitig für de Gastroberich und isch immer froh, wenn sie gnueg Springer het. Mini letscht Gastroerfahrig isch ime Berggasthuus gsi, won ich na en Teenie gsi bin, wo mir irgend so en Skifahr-Volldepp extra de Fuess in Weg gstellt het und ich mit vier Portione Älplermagronen dur de ganz Gang gfloge bin :D. Mini Fach- und Methodekompetenz i dere Branche isch definitiv usbaufähig, aber en Grossteil macht bi somne Job am Schluss doch Sozialkompetenz :D?!?! Am halbi 6i hani müsse itrudle, denn hend mir e halb Stund ifüerig gha und am 6i sind d'Gäscht cho. Ich bin liecht nervös gsi, willi gwüsst han, es sind wichtigi Gäscht und ich ha min Job welle guet mache und mini Fründin nöd endtüsche :P. Ich han i dene 7 Stund sehr viel erlebt: einigi Patzer, ha mini Kollegin vonre ganz andre Site kenne glernt und zwei Type, wo mich echt begeisteret hend. Und all das gits i de hütige Podcastfolg. A nöd z'vergesse: Ich ha sogar en chline Mobbingvorfall erlebt, wo mir grad e witeri Story in Sinn cho isch ;). Die zwei Type, wo mich begeisteret hend, sind üsi Gäscht gsi und zwar gahts um d'Firma fidro. Ihri Branche isch grundsätzlich eher öpis, wo mich liecht awiederet (nei es isch keis Schmudelbusiness, es gaht um d'Versicherigsbranche ;)). Bevor sie de Ruum betrete hend, han ich gseh, sie sind en grosse Sponsoringpartner. Ich ha Manne zwüschet 40gi und 60gi erwartet, was denn absolut nöd de Fall gsi isch :D. Sie hend zu dem gestrige Event Mitarbeiter, Chunde und Partner iglade und währet ihrem Ufenthalt han ich sehr viel cooli Gspröch chöne füere und ganz viel verschiedeni Sichtwiese ghört. Eis Gspröch mit em Gründer Dario, het mich vo de Istellig total beidruckt und wer weiss, viellicht git er mir sogar mal na es Interview ;). Geschter het er uf jede Fall ja gseit :P. #praktikum #gastronomie #denmutigengehörtdiewelt

Statt immer nur über die neue Generation zu lästern, will ich es heute genau wissen: wie tickt die Generation z in der Arbeitswelt? Meine Diplomarbeit habe ich vor 5 Jahren unter anderem über dieses Thema geschrieben, jedoch würde ich die Arbeit heute ganz anders angehen. In fünf Jahren passiert einfach krass viel. Ich erzähl euch einige facts und mache ein Interview mit Seraina, die vor ein paar Monaten 18 Jahre alt wurde.

Was sind Ressourcen und wie optimiert mal die zeitliche ressource optimal.

Es gibt eine neue routine in meinem leben dann kotze ich mich über dropshipping aus und erzähle euch als krönender Abschluss noch zwei Erfolge