Heiratsmaterial oder Ick

Hirn, Hund und Chaos vor 4 Wochen

0:00

51:07

Dating isch ja eigentlich öppis Schöns. Du lernsch öpper kenne,
me findet sich sympathisch, lacht zäme – und denn passierts.

Er het e Handyhülle mit Chartefach.

Und plötzlich denksch: Nei. Das wird nüt mit üs.

Und genau über die völlig bescheuerte Sache rede mir hüt. Die
chline Icks, wo eigentlich überhaupt nüt über en Mensch ussäge –
aber trotzdem schaffeds, dass mer öpper innerhalb vo drei Sekunde
nüme attraktiv findet.

Aber denn gits natürlich au Sache, wo mer sich fragt: Isch das
jetzt würklich en Ick? Isch das vielleicht sogar e Green Flag?
Oder isch das eifach viel, viel, VIEL z’früeh?

Drum spiele mir hüt: Ick oder Heiratsmaterial?

Mir konfrontiered eus mit de unterschiedlichste Dating-Situatione
und müend spontan entscheide: Heiratsmaterial, isch mir egal oder
absoluter Ick.

Und ich glaub, nach dere Folg wüsse mir entweder sehr genau, was
mir sueched …

… oder mir verstönd, warum mir single sind.

Willkomme bi Hirn Hund Chaos.