Kapitel 17: Dystopie, Fortpflanzig, Underdrückig

Mer stiige ine Wält ii, womer definitiv schlächter draa wäre as
doo… emel mindeschtens as Frau. Die dystopischi Wält isch die vo
„The Handmaid‘s Tale“ vode Margaret Atwood. En Klassiker, wo sehr
vell gsellschaftsrelevanti Theme uufbringt. Mer händ s Buech beidi
gläse und sind fasziniert devoo, wie d Margaret Atwood s schafft, i
relativ wenige Siite so vell komplexi Theme und en spannende Plot
under ei Huet z bringe. Aber was macht die Wält in „The Handmaid‘s
Tale“ (dt. „Der Report der Magd“) dystopisch? Was isch überhaupt en
Dystopie? Und werom wämmer ganz wiit wäg devoo bliibe? Los ine.
Achtung: Spoilers.