Startseite
Podcasts
Blabla Ganoush - din Podcast zum nachhaltig Apéröle Podcast
# 3 Labaneh Gelaber mit Mathias Plüss

# 3 Labaneh Gelaber mit Mathias Plüss

Blabla Ganoush - din Podcast zum nachhaltig Apéröle vor 4 Jahren

0:00

48:00

Häsch gwüsst, dass d’Haselnuss es klimafründlichste Lebensmittel
isch wos git?

Worum das so isch, erfahrsch du i de dritte Folg vo Blabla
Ganoush. Zu Gast dörf ich de Umweltjournalist Mathias Plüss i
meinere Chuchi empfange. Mit sine Text bildet er eini vo mine
Haupt Inspirationsquellen für dä Podcast. I sim Umwelt-Lexikon
“weniger ist weniger” erklärt er ahand vo churze, verständliche
und humorvolle Text, wele Impact üsi alltägliche Handlige ufs
Klima hend.

Während de Mathias mir bi de Zuebereitig vom Soja Labaneh mit
Haselnusskrokant - em passende Apéro-Rezept zu dere Folg - hilft,
thematisiered mir verschiedeni Klima-Facts, wo ich us sim Buch
glernt han. De Mathias verrotet mir aber au wases mit sim Respekt
vor Schlange uf sich het, uf wele “guilty pleasure” er nid
verzichte chan und überrascht au mich mit unerwartete
Froge.

Chum es dritts und letschts Mal mit uf e gustatorischi Reis in
Orient und los em Mathias und mir beim Labaneh Gelaber zue.

Viel Spass und l’chaim!

Es passende Rezept zu de hütige Folg finsch do. Und falls du s
Rezept für 5 Franke gern als Postcharte möchtisch ha,
schrib mer doch es Mail uf leonie.neukomm@hotmail.com mit em
Betreff “Rezeptpostkarte Blablaganoush”. Lah mich wüsse obd e
einzelni Postcharte oder s Abo möchtisch ha. Bim Abo schick ich
dir jedes Mal, wenn e neui Podcast-Folg usechunt, es passende
Rezept als Postkarte zue - du hesch denn nid nur es neus Rezept
dihei, sondern unterstützisch somit au mis Projekt