Unger üs gseit Archiv
46 Episoden
1 Stunde 14 Minuten
Julie schaffet als Journalistin. Für das muess sie öfter mal es Interview füehre. Nid eis gäh, sondern eis mache mitere angere Person oder sogar mehrerne. Wie vielfältig die Interview chöi si, ma euch eventuell überrasche. Bi dere Folg lernet dir eventuell öbbis, wieme gueti Frage stellt und a sones Interview heregeit. Und wer weiss? Villech chas dr eint oder die angeri vo euch sogar awende?
60 Minuten
Düechts euch nid oh, dass je älter mir werde, desto meh geit üse Humor verlore? Chli tragisch oder nid? Für üs isch die Episode sehr lustig gsi zum ufnäh. Fabian bringt spannendi Fakte zum Thema Lache und Julie stellt ihri Flachwitz-Kenntnisse unger Bewis. Üse Rat a euch: meh lache, nid aues so ernst näh und ah üsne Sunnefältli schaffe.
54 Minuten
Fabian het de Vorschlag mau gmacht, dasmer üse Tag düregöh und luege weli Kommunikationssituatione oder -mittle mir vo Tag zu Tag bruche. Kommunikation faht mitem Erwache am Morge ah, geit um non-verbali Signal über Textnachrichte zu Outlook-Termine. Wie bewusst düet dir ufere täglecher Basis kommuniziere und was fallt euch eventuell gar nümme uf?
50 Minuten
Die Foug macht auergattig Idruck. Kommunikationsbeobachtige si on point u villech erkennsch di o wieder? Ds Houpthema dasmau widmet sich üsem Umfeld. Wie prägt üs das? Was müesse mir unbeding drzue wüsse? U was het sich im direkte Umfeld ir hütige Zit psychologisch und o süsch veränderet? Mir hoffe das die Lüt mit dene du di (fasch) täglech umgisch, di inspiriere und witerbringe.
1 Stunde 9 Minuten
Was seit dir d Stimm ih dim Chopf? Redsch du positiv mit dir selber oder eher negativ. Schimpfsch mit dir, wöu de wieder z spät hesch ahgfange lerne, öbbis hesch vergässe oder öbbis hesch kaputt gmacht? Oder begegnisch dir eher mit Empathie und versuechsch di selber nid ache z mache?
Es isch echt schwierig die negative Denkmuster wo sech es Lebe lang ihpflanzt hei im Chopf umzmodle, aber es isch nid unmüglech. Villech chasch us dere Episode dr eint oder anger Tipp mitnäh, wie de mit dir umgeisch wie mitere guete Fründin oder emne guete Fründ.
Es isch echt schwierig die negative Denkmuster wo sech es Lebe lang ihpflanzt hei im Chopf umzmodle, aber es isch nid unmüglech. Villech chasch us dere Episode dr eint oder anger Tipp mitnäh, wie de mit dir umgeisch wie mitere guete Fründin oder emne guete Fründ.
59 Minuten
I derä Foug heimer z erste Mau ä Kommunikationsbeobachtig vo öperem wo üs offebar ab u zue lost, ds freut üs riiisig.
Dasmau hei mir üs säuber di eher schwirigi Ufgab gsteut, üs über verschiedeni ethischi Dilemmata z ungerhaute… Wed inelosisch: wi würdsch du kommunikativ i so Gränzfäu reagiere?! Mir si erstuunlich nöch i üsne Perspektive. Stay tuned.. und unger üs gseit: s wird uf jede fau spannend.
Dasmau hei mir üs säuber di eher schwirigi Ufgab gsteut, üs über verschiedeni ethischi Dilemmata z ungerhaute… Wed inelosisch: wi würdsch du kommunikativ i so Gränzfäu reagiere?! Mir si erstuunlich nöch i üsne Perspektive. Stay tuned.. und unger üs gseit: s wird uf jede fau spannend.
1 Stunde 6 Minuten
Wie oft mir Redewenige verwände ih üsem Sprachgebruch, isch de meischte äuä nid mau bewusst. Villech ou darum, wöu üs oh nid immer bewusst isch, was de Redewendige si und was nid. Es git paar schwizerischi Redewenige, wo Julie so nie hätt vermuetet und Fabian wird testet uf sis Wüsse, wöuer mau gseit het er isch richtig schlecht ih dene Sache.
1 Stunde 1 Minute
Zum Wort vom Tag mache mir usnahmswiis ä Abstecher is Bündnerland. Und d Kommunikationsbeobachtige schiine sich aus neui rubrik dürezsetze.
Mir rede über gueti oder besser gseit unvergesslichi TED Talks und Präsentatione generell u analysiere was sone Präsentation bsunder usmacht. Tune in, s wird lustig u villech sogar chli lehrrich.
Hie no aui Talks verlinkt:
FrancescaHogi- How to Unlock Your Flirting Superpowers
https://youtu.be/RXwQ7_hlL3g?si=tLkv7Dxi2tCeJEEE
Will Stephen – How to sound smart in your TEDx Talk
https://youtu.be/8S0FDjFBj8o?si=whijq8CxRdQKL1Pr
Tim Urban –Inside the Minde of a Master Procrastinator
https://youtu.be/arj7oStGLkU?si=9s2u20My0Z97o_PA
Oz Pearlman – The Art of Reading Minds
https://youtu.be/h3M00JI8Iwo?si=PCN7ualQI7NOTZJW
Mir rede über gueti oder besser gseit unvergesslichi TED Talks und Präsentatione generell u analysiere was sone Präsentation bsunder usmacht. Tune in, s wird lustig u villech sogar chli lehrrich.
Hie no aui Talks verlinkt:
FrancescaHogi- How to Unlock Your Flirting Superpowers
https://youtu.be/RXwQ7_hlL3g?si=tLkv7Dxi2tCeJEEE
Will Stephen – How to sound smart in your TEDx Talk
https://youtu.be/8S0FDjFBj8o?si=whijq8CxRdQKL1Pr
Tim Urban –Inside the Minde of a Master Procrastinator
https://youtu.be/arj7oStGLkU?si=9s2u20My0Z97o_PA
Oz Pearlman – The Art of Reading Minds
https://youtu.be/h3M00JI8Iwo?si=PCN7ualQI7NOTZJW
1 Stunde 2 Minuten
"Social Hacking" beschriebt d Beeiflussig dür Kommunikation ih gsellschaftleche Situatione. Es isch hert ar Grenze zur Manipulation, aber je nachdem wiemers ihsetzt chamer würk Vorteile drus zieh. Ir dere Episode bespreche mir es paar so "social hacks", wo aber ganz harmlos si. Paar netti, chlini Tricks, wo euch sympathischer löh lah würke oder chöi häufe ih private oder bruefleche Situatione.
1 Stunde
Nachem locker-flockige Ihstieg inklusive ere neue Rubrik wirds ganz schnäu ganz deep. Hüt rede mir über intrinsischi Glaubenssätz wo sech wohl jedi und jede drmit cha indentifizere. Es geit um töif ih üsem Bewusstsi verankeriti Überzügige, wo positiv, aber ou negativ chöi si. Bi wellne gsehsch du di wieder? Gueti Nachrichte oh hie: Gseht me sech bi somne Glaubenssatz, heisst das nid, dasme niemeh drvo weg chunnt. Mir heis zum Glück selber ir Hand, wie viel Macht mir dene schenke.
1 Stunde 5 Minuten
Mir rattere hie itz nid aui Tipps abe für guets Storytelling. Da drzue fingt me online gnueg. Mir bereite z Thema meh uf mit persönleche Gschichte und Erlebnis rundum Stories us üsem Alltag. Es git chuum ä Lebensbereich, wo Storytelling nid irgendwie relevant isch. Paar Gschichte si besser und paar schlechter. Die wahri Kunst isch Gschichte guet chönne z verzeue - egau was ihre Inhalt isch.
Shownotes:
Instagram vor Fotografin Sophie Wagner: https://www.instagram.com/_sophienina/?hl=de
Sie steit uf dr angere Site vor Kamera vo üsem Titelbild :)
Link zu Julies Lieblingsstand-up-Clip vom Daniel Sloss über Religion: https://www.youtube.com/watch?v=PZ5aILCKz8Y
Shownotes:
Instagram vor Fotografin Sophie Wagner: https://www.instagram.com/_sophienina/?hl=de
Sie steit uf dr angere Site vor Kamera vo üsem Titelbild :)
Link zu Julies Lieblingsstand-up-Clip vom Daniel Sloss über Religion: https://www.youtube.com/watch?v=PZ5aILCKz8Y
1 Stunde 3 Minuten
Mir starte „gstabig“ i di neui Foug und knacke när dr Mythos hinger Persönlichkeitstests. Werum sisi fasziniderend, obwou d Wüsseschaft mängisch o dr Kopf schüttlet?
Di Foug isch zwüsche unterhautsamer Säubstanalyse und echtem Deep Dive. Wo öffne settigi Tests d Ouge? U sisi eventuell mängisch o gfährlich ischränkend?
Wie versproche no dr Link zu de 16 Personality-Test: https://www.16personalities.com/de
Di Foug isch zwüsche unterhautsamer Säubstanalyse und echtem Deep Dive. Wo öffne settigi Tests d Ouge? U sisi eventuell mängisch o gfährlich ischränkend?
Wie versproche no dr Link zu de 16 Personality-Test: https://www.16personalities.com/de
1 Stunde 8 Minuten
Kennsches? Du wartisch ufne Bscheid ob die neui Stell becho hesch oder nid. Usem nüt bechunnsch ä mega härzigi Nachricht vo öbberem wod scho lang nüm gseh/ghört hesch. Es zeigt dir ah, dass dir öbber ä 3-minütigi Sprachnachricht gschickt het. Settigi Situatione chöi richtig toll si oder oh richtig müesam. Ghöre unerwarteti Ahrüef vo fremde Nummere für di oh zu de schlimmste Kommunikationsmomente? Obwous ke gnaui Wüsseschaft isch, gits wahrschinlech doch einigi Momente wo mir üs kollektiv einig si, wo bsungers schlimm si oder äbä oh nid.
58 Minuten
Mir starte fasch scho chli bünzlig i die Foug: Nämlich mitem Mürggu. Ds Bärndütsche Wort vom Tag öffnet schomau ds eint oder angere Fass u när gumpä mir i zwöi klassischi Kommunikationsmodell: Ds Kommunikationsquadrat vo Schulz von Thun und d Axiom vo Watzlawick. Si die Modell no gültig im 2026? Spiele si ke Roue meh oder sisi aktueller den je? Finge mirs zämä use..
1 Stunde 6 Minuten
Mir rume uf. I dere Episode bespreche mir die bekanntischte Klischées zu Introversion und Extraversion. Wo mir üs selber uf dr Skala gseh erfahret dir oh. Spannend wirds, wenn mir versueche Bruefsgruppene uf dem Spektrum z platziere. Und obwohl me nie ganz z einte oder z andere isch, si oh Julie und Fabian nid ganz freigstellt vo de Stereotype, wo die Persönlechkeitsmerkmal begleite.
