Unger üs gseit Archiv
46 Episoden
1 Stunde
Wie künstlech si eigentlech Bewerbigsgspräch? Vieli vo üs kenne die Situatione sehr guet, angeri glücklechi hei villech no nid so viu Bewerbigsgräch müesse ha. Vo unabrachte zu müesame Frage zu absolute Klischées vo Gsprächsfüehrig erlebt me bi dere Situation aues. Julie isch nid so Fan und Fäbu verzeut vo sine unkonventionelle Arte Gspräch abzsäge oder nüm bim Job z erschiene. Tipps müesst dir dasmau säuber use näh - i dere Folg isches eher chli es Verzeue..
56 Minuten
Vo Typä wo dir sägä wis isch... vom Chnorz... bis zu ChatGPT als digitale Beziehigscoach. Ir Foug erwartet di Abwächslig und mir redä über:
Du fingsch use, das di versöhnlichi, töifgründigi Nachricht wo becho hesch, eigentlich vor KI gschriebe isch... würdisch du di tüscht füählä?
Dr schmal Grat zwüsche reflektierti Kommunikationskultur und effektivs Outsourcing vo üsne Emotione und Konflikte...
Was si die psychologische Phänomen drhinger u was sägä Studie u Statistike drzue?
Ds Thema bringt viu Diskussionspotenzial ar Schnittsteu zwüsche Intimität, Psychologie und Technologie.
Du fingsch use, das di versöhnlichi, töifgründigi Nachricht wo becho hesch, eigentlich vor KI gschriebe isch... würdisch du di tüscht füählä?
Dr schmal Grat zwüsche reflektierti Kommunikationskultur und effektivs Outsourcing vo üsne Emotione und Konflikte...
Was si die psychologische Phänomen drhinger u was sägä Studie u Statistike drzue?
Ds Thema bringt viu Diskussionspotenzial ar Schnittsteu zwüsche Intimität, Psychologie und Technologie.
57 Minuten
Öbbis wo mir aui gmeinsam hei, isch: mir si Babys, mir lerne üsi Muettersprach und när chöimer üs mit üsere Familie und üsem Umfeld Ungerhalte. Scho mau überleit, was es aues brucht, dases sowit chunnt? Wie mir überhoupt lerne ahfa Rede? Wenn mir üs das so gnau überlege, isches extrem erstuunlech wie universell ds Sprache lerne isch für üs und umso erstuunlecher wie schnell mir das eifach lerne.
1 Stunde
Kennsch du d Grundbedürfnis wo de Mönsche zu Grunde liege? Schomau vor Maslow'sche Pyramide ghört? Es git no angeri Modell und eis drvo stellt dr Fabian i dere Folg vor und erklärt, wellne Alltagssituatione weli Grundbedürfnis zueghöre und wie me sini Ihstellig nachhaltig cha verändere.
50 Minuten
Ich dir schomau ufgfaue, dass ein und dieselbe Gschicht uf zwöi Arte oder sogar meh cha verzellt werde. I Politikwüsseschafte, Linguistik und Werbig spielt Framing ä riese Rolle - also wie Theme "grahmt" werde. Je nachdem weli Worte dasmer wählt oder weli Aspekte me hervorhebt vore Sache, cha die ganz angers würke. Bi üs stellt sech d Frag, ob das nid scho fasch a Manipulation grenzt..
54 Minuten
Sit dir eher zueversichtlechi Mönsche oder eher nid? Zueversicht isch doch öbbis wo üs ständig begleitet und wo vieli kenne. Aber was macht Zueversicht genau us? Fabian und Julie rede drüber, was Zueversicht vo reinem Optimismus ungerscheidet und wie mir angerne vo üsere Zueversicht chöi abgäh und die oh besser chöi kommuniziere.
1 Stunde 9 Minuten
Weniger wüsseschaftlech fundiert wieder und eher persönlech: mir luege a weli elektronische Kommunikationsmittle mir Tag täglech nutze und wie mir se nutze. Isch euch eigentlech bewusst, wie viel Kommunikation passiert über au üsi digitale Grät? Mir si immer erreichbar sig das per WhatsApp, E-Mail oder Ahrüef - oder isch das bi dir angers? Ratet mau, was z meischt verachtete soziale Medium vo Julie und Fabian isch.
1 Stunde 1 Minute
Dasmau geits um unusgsprochnigi Soziali Regle, wo mir irgendwie aui kenne oder sogar befolge und glich ischs mängisch nid so logisch.. Weli Regle gäute bi Pissoirs? We du ids Kino geisch, weli Armlehne „ghört“ dir? U weli regle gits rundums Handy? Es wird widermau lustig i dere Foug, mir hei uf jede Fau Spass gha. Weli soziali Regle heimr vergässe, wo aber eigentlich uf dr Hand ligt?
58 Minuten
Es git Konversatione wos eim so eifach fallt am Gegenüber zuezlose. Konversatione, vo dene me nid wott, dass sie verbi göh. Uf dr angere Site heimer die richtig träge, müesame, vor-längwili-tot-umgheie Konversatione. Mir rede hüt über üsi Erfahrige, was für üs richtig gueti Gspräch usmache und weli Gspräch mir vermiede, wes irgendwie müglech isch. Was chunnt euch hiezue i Sinn?
50 Minuten
We ds Bürokafi afat schimmle u ke Mönsch sich drum kümmeret, zeigt sech dr Bystander-Effekt relativ dütlech - öbber angers luegt de scho. Er isch da im Grosse und o im Chliine.. Drbi wär üsi Wäut es Stück besser, we mir nid nume zueluege, sondern eifach mau säuber ds Läbe id Hand nähme. Schiins lohnt sichs, i di Foug inezlose…
56 Minuten
Ob dirs gloubet oder nid: Dankbarkeit isch es wahnsinnig starchs Kommunikationsmittel. Plus hets no dr Effekt, wenn du regelmässig Dankbarkeit praktiziersch, dasde besser schlafsch, dass di Kreislouf sech verbesseret und dasde resilienter wirsch. Darum: bis dankbar für wasde hesch ih dim Lebe und seg oh de Lüt um di ume, was du bsungers a ihne schätzisch. Villech wird d Beziehig so no enger..?
1 Stunde 1 Minute
Mir packe wieder üses pseudo Psychologie-Wüsse us. Dasmau irFolg geits um üsi Werte wo mir mitgäh überchöme us dr Chindheit und wie mir die eventuell verändere, hingergfrage oder wie sie immer glich bliebe. Villech ischs de einte oder angerne vo euch sehr bewusst weli Werte dir vertretet und woher die chöme. Und wenn nid? De lehret dir hoffentlech i dere Episode meh spannends drüber.
1 Stunde 1 Minute
Hand ufs Herz: Jedi und jede si irgendwie schomau uf Werbig ahgsprunge. Mir rede ih dere Folg über Glatze-Produkt und Werbige wo üs irgendwie ir Erinnerig blibe si.
Weisch wiviu Werbeazeige mir tagtäglich usgsetzt si? Wie manipulativ darf Werbig si und überhoupt: weli psychologische Tricks stecke drhinger, dasmer druf ahspreche. Und aui wo itze denke: "Mir cha das nid passiere, ig bi immun gege Werbig" - denk nomau nache.
Weisch wiviu Werbeazeige mir tagtäglich usgsetzt si? Wie manipulativ darf Werbig si und überhoupt: weli psychologische Tricks stecke drhinger, dasmer druf ahspreche. Und aui wo itze denke: "Mir cha das nid passiere, ig bi immun gege Werbig" - denk nomau nache.
1 Stunde 5 Minuten
Bi all dene Kommunikationsberatige und gschiede Videos wos zu dene Themä git, schwirre äbä oh viu Kommunikationsirrtümer ume. Villech tönt öbbis im erste Moment logisch, aber isch im Gspräch mit angerne Lüt eher kontraproduktiv. Es cha bim zuelose si, guet oder schlecht argumentiiere oder Missverständnis bi Absicht und Würkig. Es wird ume einisch meh klar wie komplex das gueti Kommunikation si cha.
58 Minuten
Summerferie all over.. ämu für di meischte (sofern dir das im Juli loset). Es geit aber nid drum, dasmer Summerpouse hei, sonder wie mir verschiedeni Persönlickeit ihnähme, wemer ire Frömdsprach rede. Dr Fabian bringt ä Gheimtipp, wie du emotionali Distanz chasch schaffe zu dine persönliche Themä u Entscheidige. D Sprache vor Wäut definiere ufne Art o üse Charakter. Mir präge üsi Sprach und üsi Sprach prägt üs.
