Jetzt redet mir Archiv
72 Episoden
49 Minuten
Die Folg red ich mit de Lisi. Mir schaffet im gliche Gfängnis und redet über die Arbeit. Wie gaht Lisi demit um, als Frau inere "Männerdomäne" & als Mami im Gfängnis zschaffe. Söttet Fraue im Gfängnis schaffe? Wie definiert sie ihri Rolle im Gschäft und wie macht sie de Spagat zum Private als Mami und wird dem alles grecht?
1 Stunde 19 Minuten
En würki bsundrige Gast: De Chris oder wie ich ihn nenne Chrigi, eine mine engste Fründe. Er het als Kind grossi Aggressionsproblem gha und verzellt wie er hüt mit dene Gfühl umgaht. Zudem isch er langjährige Thaiboxkämpfer gsie und het 46 Kämpft bestritte. Chrigi verzellt wie er zum Sport cho isch, was ihm de Sport git und vorallem was ihm das Wort "Selbstreflexion" bedütet.
2 Stunden 6 Minuten
Jessy isch lideschaftlichi Personaltrainerin und verzellt im Gspröch über ihri Vergangeheit und die Problem wo sie zbewältige gha het. Riese Ruum im Gspröch nimmt sicher d`Essstörig ih, sie verzellt wies dezue cho sich, was sie alles dagege gmacht het und wie sie hüt demit umgaht.
60 Minuten
Jetzt redemer mit de Vale! Eusi Hassliebi zunenand bestaht scho lang und aktuell e chli meh Liebi als Hass. Sie isch e langjährigi Kollegin, zweifachi Muetter, e Stimmigsmacherin und no so viel meh. Vale verzellt übers Mami sii, über ihri Art vo Erzihig und öppis wo anschinend nur 2% de Bevölkerig wüsset. LETS GO!
2 Stunden 15 Minuten
Das Video isch ufgno worde am 30.7.23. De Luci und ich kennet eus vom Kampfsport und sind durs BJJ gueti Kollege worde. Er verzellt wie er zum Sport cho isch, de Weg zum Kampfsport und wies dass das BJJ sis Lebe "grettet" het. Mir redet zudem über Egoproblem, über s`Vater sie und über ungueti gfühl wo er verspürt het und die ih de Gsellschaft tabu sind. Selbstverständlich werdet ih dene über 2h au über anderi themene gredet wie z.B d Polizei, über alti Gschichte, Fitness und vieles meh. De Luci isch e riese Persönlichkeit und ich bin mega froh hemmer das Gspröch ufgno. Viel Spass :-)
1 Stunde 5 Minuten
Humberto und ich kennet eus vom schaffe. "Er isch Spanier süsch, falls ihn bi Rasse wetsch nenne." Erst vor churzem het er chli verzellt über sin Ihsatz in Afghanistan. Drufabe simmer grad is Studio und hend det witer drüber gredet, will mirs mit eu hend welle teile. Wie muess me sich das vorstelle im Krieg? Ischs wie ih de Film oder gseht d`Realität anderst us? Wie isch es dezue cho, wie gahts ihm jetzt, was het er alles erlebt, het er sich veränderet und wür er wieder zurück? Loset ine...
39 Minuten
Hüt mitm Faton, de Sunneschii us eusem Gfängnis! En Mensch mit viel Humor, Respekt & Nöchsteliebi. Mir redet über de Islam, Faton isch praktizierende Moslem & ich bin nöd religiös. Trotzdem simmer gueti Fründe, unterstützet eus gegesitig und respektieret dem andere sin Lebensstil vollumfänglich. Paar Themene schnidemer ah, gönd aber nonig all zu tüüf id Marterie, das gern es anderes mal, wenn Interesse vo eu bestaht. Mir sötted nöd das glaube, wo eus dMedie versuechet ih euse Kopf zsetze, sondern eus eh eigeni meinig bilde, basierend uf euse Erfahrige, en gsunde Wissensdurst und de Ustusch mit verschiedene Mensche und ihrne Ahsichte. Angst empfindemer denn, wenn öppis unbekannt isch! Toleranz und Respekt isch das A und O ih de gsellschaft und sött bi JEDEM ah erste Stell cho. Alles andere isch Hafechääs…
1 Stunde 34 Minuten
Erstmal Sorry fürs Video/ de Schnitt, und de Ton, dass isch die erst Folg wo für JetztRedetMir je ufgnoh worde isch! Has es super Gspröch gfunde und trotzdem mit eu welle teile. De Zammim isch min Gast und ich bin super happy drüber. Es wird FIX nöd sletzte Mal sie wo er zGast isch im Podcast. Mir hend e mega gwünnbringendi Fründschaft und hend immer super tüfgründigi Gspröch. Zur Abwechslig tuen ich mal es paar Frage vo mim Gast beantworte. Hauptthema: STOIZISMUS im Alltag. Was isch Stoizismus? Churz gfasst: Lah nöd dini Gfühl dis Lebe kontrolliere, sondern erlern die Kontrolle über dini Gfühl und nimm Situatione ah wo du eh nöd chasch ändere/beihflusse. Sicher de eint oder ander Tipp debi, wo dir mitneh chasch! Viel Spass mitenand!
55 Minuten
Ich seg eu vo herze, ich lieb die Folg mega, ha mich gfreut sie chöne veröffentliche. Wil ich sThema maximal wichtig finde & eifach en coole Vibe ume gsie isch. Laura verzellt über ihri Arbeit ide Psychiatrie und über ihres Privatlebe und die psychische Problem wo sie het müesse überwinde. "Chasch ide Psychiatrie schaffe und de Lüt grecht werde, wenn selber am stuggle bisch?" Laura beantwortets. Grosses Thema: toxischi Bezihig! Wie gahts ihre hüt, wie het sie de Absprung gschafft und was het ghulfe? Danke ah dere Stell ad Laura, für die Offeheit, die Transparenz und das tolle Gspröch. Mir sind alles Mensche, keine isch en Roboter, zeiget chli Verständnis euem Gegeüber, mir wüsset nie was die Person gegeüber für Problem het
2 Stunden 6 Minuten
Flo hüt zu Gast bi Jetzt Redet Mir! Er isch Basejumper. Wie ischs lebe als Basejumper, was het er bis etz erlebt, wie lebt sichs, dass als Bruef zmache und isch alles immer Friede Freude Eierkuchen wie es uf de Social Media Plattforme usgseht oder gits au tristi Täg? En schmale Grad zwüschet Adrenalinkick und de Tod ständig vor de Nase. Sehr spannend isch au am Flo sini Ahsicht über de Tod „Wenn stirbsch denn hesch wie gunne“, seit er. Plus was het er davor gmacht, bevor er sich fürs Basejumpe entschide het? Zudem het de Flo en UFC Event LIVE gseh, wie isch die Erfahrig gsie? Sicher en Traum vo vielne Kampfsportfans. Würki so geil wie all Fans immer ahnehmet oder meh Schein als sein? Jetzt redet mir!!
1 Stunde 17 Minuten
„Ich bin am Bode ahcho bro, es lit dra, dass ich hüt zfriede bin“, seit de Mc Hero. Er verzellt chli über sini Vergangeheit und de Grund wieso er hüt zfriede isch. Was für Problem het er gha und wieso het er nie ufghört trotz de Rückschlag dra zblibe und witerhin unermüedlich sinere Musik nah zgah. Wie gaht er mit de Negativität um? Zudem redemer drüber was die Zuekunft bringe söll, was isch plant und was sind am Semir sini Ziel? Er will was ad Gesellschaft zrug geh, wie? Das erfahret ihr im Podcast! Ich ha dasmal paar Frage mitbracht wo ungfilteret beantwortet werdet. Wie zum Bispiel, öb das Lebe als Rapper würki so es zuckerschlecke isch wies immer usgseht? Oder woher bispilswis die Liebi zum Stage-dive chunt? Danke tusig ah de Semco fürs offene Gspröch! Loset sini Musik. Min absolute Favorittrack: REAL SHIT!
52 Minuten
Locker zum ihstieg ih min Podcast, es gspröch am sunntig über alles und irgendwie au nüt. Sehr typisch ih eusem Umfeld, mir fanget mitere Frag ah und hoppet denn ih 1000 Themene und beantwortet nöd emal die Ursprungsfrag. Am Schluss hemer glachet, sinnfrei us de Lebere use gredet, eusi ahsichte teilt und chli Herdewärmi gspürt.
