Startseite
Podcasts
Wi snackt platt Podcast
Wi snackt Platt: Charly Schreckschuss un Spökels in'e Bökerhall

Wi snackt Platt: Charly Schreckschuss un Spökels in'e Bökerhall

Wi snackt platt vor 2 Wochen

0:00

30:07

He is en echte plattdüütsche Rock- un Rhythm&Blues-Legenn:
Rainer Beutin alias Charly Schreckschuss. An'n Freedag, den 30.
Oktober, avends üm Klock 8, gifft he tohoop mit siene
Schreckschuss-Band en Kunzert in'e Fischhall in Harborg. Wi hebbt
mit Charly snackt: doröver, woso he nu doch nich mehr an't Ophören
denkt, över siene Kunzerten in't legendäre Onkel Pö un, kloor, ok
över sien ne'et Album "Höchste Zeit (Europa)".

Spökels in'e Bökerhall - Halloweenlesen op Platt

Denn geiht dat ok noch üm en ganz besünner Veranstalten an'n
Middeweken, den 28. Oktober: "Spökels in'e Bökerhall" heet dat dor
avends vunaf Klock 6 in'e Zentraalbibliothek vun'e Bökerhallen an'n
Höhnerposten. Mit dorbi: De Autoren Nikos Saul, G.A. Beckmann un:
Mire Buthmann vun'e Tüdelband. Se vertellt uns mehr över düssen
Avend mit plattdüütsche Halloweengeschichten, -gedichten un -musik.
Organiseert warrt dat Ganze vun't Lännerzentrum för Nedderdüütsch
in Kooperatschoon mit de Hamborger Bökerhallen. Dat köst keen
Intritt.

Moderatschoon: Jan Wulf