Ep 41 – Alles bim alte

De FCZ verlüürt und Winti & GC günned? Nur im Cup! Nach de 7.
Rundi ide Super League isch sozäge wieder alles bim alte: Winti
chunt in Genf vo Servette drunder und de David isch bereits
versuecht, s Abstiegsbarometer es ersts Mal fürezne. Au wenn nöd
ganz so ghyped wie de Trainer Scheiblehner findet de Tim gueti
Wort für sis GC trotz Niederlag im Tessin. Und de Raphi derf
nachem gruusige Cup Out en wichtige Sieg geg de Leader us St.
Galle fiire.