Gurketruppe Archiv
82 Episoden
1 Stunde
Nach de Natipause gihts einiges zbespreche. Scho früeh het de Trainerwechsel bi GC und d Astellig vom Janssen z rede ge. Und bi Winti ischs wie e chlini Achterbahn gsi: 7:3 geg Basel, 0:3 in Neuchatel. Besproche worde sind zuedem verloreni Gegeständ und en Fahrkurs.
1 Stunde
Zmizt ide Ufnahm erreicht eus e überraschendi Nachricht: De Zeidler isch nüme GC-Trainer. Empört redemer über das Ereignis, die zwei heftige Niederlage für Blauwiiss geg Sion und Luzern und au de knappi aber wichtigi und verdienti Sieg vo Winti geg Aarau. Au rund um das Spiel hets no einiges zbespreche ge!
1 Stunde
E wahri Selteheit bide Gurketruppe: Es giht zwei Sieg z fiire. Sowohl Winti in Carouge wie au GC in Thun günned uf fremden Terrain 1:0. Zrede gebed Zemefassige, Verletzige und en Totglaubte.
58 Minuten
I dere Epi luegemer uf e vollpackti Fuessballwuche zrugg. S dütliche 4:0 geg Xamax sorgt für positivi Vibes nachem 2:2 geg Mayo unter de Wuche. Und au GC lieferet grund zur Freud: Uf es 2:0 geg SG holtmer im Derby i letzter Sekunde no de verdienti Usglich. Zrede giht eimal meh de Morandi aber au diversi Unterschiedsspiller sind ufgfalle.
55 Minuten
Künstlichi Stimmig hets eigentlich keini brucht: Im CHL-Spitzespiel isches zwüsched Winti und Ouchy heiss zuegange, au GC het chöne uf vill Support zelle in Vaduz. Trotzdem isch d Bilanz ernüechternd: Winti schafft zwar i letzter Sekunde no de Usglich, muess sich fürs erste aber mal mitem Tabelle-Mittelfeld abfinde – kein Grund zur Panik findet de David. Und GC kassiert vo Vaduz es empfindlichs 2:5, die roti Laterne isch tatsach.
Und will mers ide Epi vergesse hend azspreche: Gratulation an Sandro zum zwüscheziitliche 1. Platz!
Und will mers ide Epi vergesse hend azspreche: Gratulation an Sandro zum zwüscheziitliche 1. Platz!
1 Stunde 5 Minuten
De David isch zrugg us de Ferie und direkt vom Flughafe uf Rappi, wo Winti mit 2:0 günnt – s het aber au ganz anderst chöne cho. Zbrichte gihts au vode Stadionfüehrig uf de Schützewise, einige GC-Transfers und wie immer 1-2 random Stories usem Alltag.
1 Stunde 3 Minuten
D Gurketruppe meldet sich us de Ferie wo au de FC Wil no zsi schint: Winti günnt locker mit 5:0 und isch so richtig ide Saison acho. GC hingege verlürt in Genf eimal meh nach Füehrig und ere guete erste Halbziit. I dere Epi dezue Powernaps und Chrankheitsgschichte.
1 Stunde
Es wird flissig gurkt! Zerst verlürt Winti geg de Ufstiger in Kriens mit 2:0, am Suntig kassiert GC es 4:1 vo Lugano. Trotzdem isch d Stimmig au scho schlechter gsi, i dere Epi wird Positivität versprüeht. De David verzellt zuedem vo Kriens und Kater, de Tim vo sim Top 5 Schuss aller Ziite ide Badmintonhalle.
1 Stunde 1 Minute
Die ersti Rundi vode neue Saison isch gspillt und die junge werded zum Gsprechsthema. Erst gad sis Liibli zoge, scho belohnt de Odin de David mit em erste Treffer im 2:2 geg Yverdon. Bi GC trifft ebefalls en Junior, de mitem bekannte Name Bengondo. Wie sin Alte bi Winti trifft de Samuele iischalt, eifach für GC. Zrede giht au en Fanzugprotest und e schöni Choreo.
1 Stunde 5 Minuten
Gnueg über Ferie und WM gredt, mer widmed eus wieder de wichtige Sache. I dere Epi besprechemer was bi Winti und GC so alles passiert isch. Die neue Bsitzer bi GC, Testspielbricht vo Winti und ganz neui Gfühlslage vor de Saison 26 / 27.
53 Minuten
Zrugg us de Summerpause redemer über d WM, was alles ide letzte paar Wuche passiert isch und bespreched 1-2 Änderige für de Podcast. Vill Spass bim Lose!
44 Minuten
Saisonabschluss 25 / 26! GC günt d Barrage geg Aarau in Extremis und blibt dobe. S Spiel het einiges a Gsprächsstoff glieferet. Zuedem werfemer nomal en Blick uf die neuste Winti News und verabschided eus id Summerpause.
Merci für de Support au die Saison und bis i wenige Wuche!
Merci für de Support au die Saison und bis i wenige Wuche!
57 Minuten
De Tag isch cho: De Abstieg vom FC Winterthur staht fest. Nöd nur s Spiel gege GC, sondern au d Ussage vode Füerhig vom FCW hend z rede ge.
GC het sich somit id Barrage grettet und sich mitem 0:0 in e gueti Usgangslag bracht fürs Rückspiel.
GC het sich somit id Barrage grettet und sich mitem 0:0 in e gueti Usgangslag bracht fürs Rückspiel.
50 Minuten
Es chunt tatsächlich nomal Füür is Spiel im Abstiegskampf: Bi GC chunt zerst Hoffnig uf, denn verlürt mer s Derby geg de FCZ doch no, Winti schlaht Lausanne nach vill Kampf.
I dere Epi luegemer uf langwiligi Hopper, euphorischi Winterthurer und füre uf es kapitals Spiel am Dsistigabig.
I dere Epi luegemer uf langwiligi Hopper, euphorischi Winterthurer und füre uf es kapitals Spiel am Dsistigabig.
52 Minuten
D Saison neigt sich am Endi zueh und s blibt wiiterhin alles bim alte wenns um d Zürcher Clubs gaht. Winti und de FCZ trennet sich nachem spate Winterthurer Treffer mit 2:2 Unendschide – es Resultat wo niemertem würkli öppis bringt. Will au GC wieder verlore het (1:2 geg Servette) isch drü Runde vor Schluss immerno nonig fix, das Winti abe muess und GC id Barrage. Obwohl miers alli wüssed. Apropos Barrage: Es fehlends Stadion und en neue Trainer sorged für Gsprächsstoff abseits vom Platz.
