Vo Säft zu Zällä

I dä Folg »Vo Säft zu Zällä« verzell ich eu, mit wellne
medizinische Konzept mer sich vom Altertum bis id Neuziit
Gsundheit und Chrankheit erchlärt hät. Ich gang uf
dHumoralpathologie i, erlütere ihr Entstehig us dä Viersäftelehr
und dVerbindig zur Tempramentelehr. Wiiter erklär ich ihri grossi
Bedütig für dChrankheitsvorstelligä i dä Frühe Neuziit und ihri
Ablösig durch dZellularpathologie im 19. Jahrhundert. Usserdem
stell ich eu dMiasmetheorie vor.





Begriff:


Humoralpathologie


Wird au Viersäftelehr gnännt und isch vom Hippokrates vo Kos und
sine Schüler entwicklet und vom Galen erwiiteret wordä. Langi
Ziit händ dMänschen dänkt, dass jede Körper us vier Säft (gälli
Gallä, schwarzi Gallä, Bluet und Schleim) bestaht. Sind diä vier
Säft für diä jewilligi Person im passende Glichgwicht, isch mer
gsund. Gratet dSäft us em Glichgwicht wird mer chrank.


 


Misamentheorie


DMiasmetheorie gaht devo us, dass Chrankheitserreger, wo mer
Miasme gnännt hät, i schlächter Luft und dräckigem Wasser läbed.
Über dAtemwäg oder au über dHuut chönt sie uf dMänsche überträge
werde und mached so e Person chrank. DMiasme und damit
dChrankheite chönt durch Hygiene bekämpft werde.


 


Tempramentelehr


DTempramentelehr isch e Erwiiterig vo dä Humoralpathologie, will
sie uf de Idee basiert, dass dKörperflüssigkeitä dPersönlichkeit
vomene Mänsch beiflussed. Diä vier Tempramentstypä sind
Melancholiker, Sanguniker, Phlegmatiker und Choleriker.


 


Zellularpathologie


DZellularpathologie erklärt, dass Krankheite uf Grund vo Störigä
vo de Körperzällä oder ihrä Funktionä entstönd.
DZellularpathologie isch i dä 1850er Jahr von Rudolf Virchow
entwicklet wordä. Sie hät dHumoralpathologie ab dä zweite Hälfti
vom 19. Jahrhundert abglöst.


 


Quellä:


− Koelbing, Huldrych M. F. Medizin. In: Historisches Lexikon der
Schweiz. Version vom: 06.03.2017.


− Geschichte der Medizin.
https://de.wikipedia.org/wiki/Geschichte_der_Medizin.
[18.06.2025]


− Humoralpathologie.
https://de.wikipedia.org/wiki/Humoralpathologie. [01.05.2025]


− Medicinische Policey.
https://de.wikipedia.org/wiki/Medicinische_Policey. [18.06.2025]


− Medizin des Mittelalters.
https://de.wikipedia.org/wiki/Medizin_des_Mittelalters.
[01.05.2025]


− Medizin der Renaissance.
https://de.wikipedia.org/wiki/Medizin_der_Renaissance.
[01.05.2025]


− Miasma. https://de.wikipedia.org/wiki/Miasma. [01.05.2025]


− Temperamentenlehre.
https://de.wikipedia.org/wiki/Temperamentenlehre. [01.05.2025]


− Vasold, Manfred. Grippe, Pest und Cholera. Eine Geschichte der
Seuchen in Europa. Stuttgart 2015.


− Zellularpathologie.
https://de.wikipedia.org/wiki/Zellularpathologie. [01.05.2025]