Håkon den gode kongen - Bjørn Haaland og Christer Stewart Aarbø

Den 30.–31. august blir det framført eit heilt nytt teaterstykke
i Moahagen på Fitjar. 


Stykket har fått namnet "Håkon den gode kongen" og det er med
både profesjonelle og lokale amatørskodespelarar. 


- Vi har allereie bestilt godt ver, og vi har vald ein spelplass
som vi veit kan vere lun og god sjølv om det kan vere litt vind.
Dette blir ei strålande oppleving uansett ver, seier
Bjørn Haaland til Sunnhordlandpodden.


Stykket vil fenge både Fitjarbuen og tilreisande, garanterer
Haaland. 


Christer Stewart Aarbø har vore med å skrive
manus, og han fortel i podkasten om ein grundig prosess der han
har dykka langt ned i alt som finst av kjelder til historia om
Håkon den gode. Både kjende verk som Snorre, men og mindre kjende
skrifter som Gesta Danorum, skrive av Saxo Grammaticus, ein dansk
historikar. 


- Dette er ei unik moglegheit til å oppleve historia, med
spennande forteljingar om Håkon den Gode, slaget på Fitjar og
hans viktige bidrag til kristninga og lovgjevinga i Noreg. 





Sponsor: Fitjar Kraftlag -
https://www.fitjar-kraftlag.no





Fitjar Kraftlag – din lokale leverandør av straum, breiband og
elbilladar.





Fitjar Kraftlag bidrar også til verdiskaping i lokalsamfunnet
gjennom sponsormidlar til ulike lag, forerningar og arrangement i
Fitjar.