Startseite
Podcasts
SunnhordlandPodden Podcast
Jostein Waage - om Kystkultur, Tradisjonar og Nord-Europas beste boller

Jostein Waage - om Kystkultur, Tradisjonar og Nord-Europas beste boller

SunnhordlandPodden vor 1 Jahr

0:00

51:39

I denne episoden får du møte Jostein Waage, som driv Brandasund
Kultur & Fritid og A.L. Waage Landhandel AS – ein mann med
eit brennande engasjement for kystkultur, tradisjonar og
lokalhistorie.

Oppvaksen i idylliske Brandasund har Jostein teke vare på arven
frå si bestemor, den legendariske Nillo på Skjære, som dreiv
butikk på eit lite skjær. I dag vidarefører han historia gjennom
A.L. Waage Landhandel – og serverer sjølvsagt rosinbollar med gul
krem, som han sjølv påstår er "Nord-Europas beste boller"!

Jostein deler minne frå barndommen, der fotballtrening betydde
båttur – noko som kunne vere krevjande. Han fortel om tida si som
fotballspelar i Bremnes, om si lidenskap for musikk og bandet The
Rambles, og ikkje minst om eventyret med å gå på ski over Goddo.

Her får du ei hjartevarm og humoristisk reise gjennom
kysthistorie, lokalpatriotisme, musikk, idrett og – sjølvsagt –
rosinbollar.

Høyr episoden no!

Støttespelar: Fitjar Kraftlag

Denne episoden er laga med støtte frå Fitjar Kraftlag. Kvart år
deler Fitjar Kraftlag ut støtte til ålmennyttige tiltak, og eg er
svært takksam for at dei ville bidra til produksjonen av
Sunnhordlandpodden. Kjekt at dei ser verdien av framsnakk!

Fitjar Kraftlag er ein lokal straum- og breibandsleverandør, eigd
av fitjarbuen sjølv og andre medlemmar i kraftlaget. Overskotet
frå kraftlaget kjem lokalbefolkninga på Fitjar til gode gjennom
utdeling av ålmennyttige midlar. Målet til Fitjar Kraftlag er å
vera ein viktig bidragsytar i lokalsamfunnet og leggja til rette
for vekst på Fitjar.