Ep 21 – Abstiegssorge

Am David sini Abstiegs-Sorgefalte werded grösser, genau glich wie
d Barrage-Sorgefalte vom Tim. De FCW holt trotz kämpferischer
Leistig kei Pünkt uf de Baustell im Tessin und au GC cha trotz
eme Last-Minute-Usglich gege Sion nöd würklich happy si. Wem das
alles egal isch? am Raphi! Sin FCZ macht alles richtig, schlaht
Luzern dihei und widmet sogar no es Goal ihrem verletzte
Uslehnspiller.