Gurketruppe Archiv
82 Episoden
1 Stunde
Ide hütige Episode bespreched 2/3 vo TGW die letzte zwei Runde vor de Winterpause und ziehnd es Fazit nach de Hiirundi. Winti het geg de Wintermeister us Thun wenig chöne usrichte und verlürt mit 1:4 – zrede giht vorallem au das wo nebed em Platz passiert isch. Und GC holt sich unter de Wuche en sensationelle 6:2 Sieg in Bern, müend sich denn in typischer GC-Manier aber direkt wieder SG gschlage geh. Dezue erreicht eus vom FCZ e grossi Nachricht die Wuche: De Malenovic isch offiziell Gschicht.
1 Stunde 3 Minuten
D Jubiläumsepi isch da! Zfiire gihts aber wie fast immer nöd allzu vill: Im Kantonsderby trenned sich de FCZ und Winti mit 2:2 Unendschide, für eimal isches Winti gsi wo sich i letzter Sekunde dank vill Mithilf vom FCZ no en Punkt erkämpft het. Und GC? Ja GC macht halt GC Sache und verlürt in Sion zum dritte Mal hinterenand mit 0:1 und das no mit verschossendem Penalty. Mer sinds eus ja gwöhnt, drum hüt für eimal: Cheers to us!
1 Stunde 17 Minuten
De Samichlaus hets a dem Wucheend nöd mit allne guet gmeint. De GC Spiller muess er vill usem rote Buech vorlese, nach dere Leistig gege Servette gihts wenig Positivs usezhebe. De Tim isch pisst. De FCZ hingege zeigt sich sit zwei Wuche als Musterschüeler, nachem Derbysieg folged Nüssli, Manderindli und 3 Pünkt in St. Galle. Und wenns nachem David gaht, hilft bim FCW und em Rahmen aktuell nur eis: Ruetehiib ad Birre! Trotz de guete Leistig gege Basel isch er vorallem wegen Cupout unter de Wuche gar nöd zfride.
1 Stunde 5 Minuten
Unstimmigkeite ide FCZ-Füehrig vs s harmonische Duo bi GC: Ide Derby-Episode besprechemer vorallem was vor und nachem Match passiert isch, wo d Harmonie stimmt und wo weniger. Pünkt gihts aber nur für de FCZ. Zuedem derf mer sich uf en ghypte David freue, immerhin het sis Winti in Luzern wichtigi 3 Pünkt gholt. Obwohl: Ganz so sicher isch sich de David dere Sach nonig, heter us de Vergangeheit glernt?
1 Stunde
De Patrick Rahmen spillt zum erste Mal geg sin Ex-Verein YB und au wenn mer nöd vill erwartet het in Bern tuet das 0:5 us Winti-Sicht sehr weh: De David isch im Loch. Am Raphi sin FCZ holt im Wallis nachere fragliche erste Halbziit no en Punkt, so ganz zfride isch er aber trotzdem nöd. Und GC erkämpft sich gege Basel es Unentschiede, verlürt da debi aber zwei Spiller wegere rote Charte – und das direkt vorem Derby.
1 Stunde 6 Minuten
Es Schlusspektakel uf de Schützi ändet mit Becherwürf uf de GC-Trainer Scheiblehner. Innere hitzige Schlussphase trifft de Hunziker zum vermeintliche Siegtreffer für Rotwiis und churz druff abe macht de Muci denn s tatsächlich entscheidende Goal, GC günnt und de Scheibi leiht sich mit de Winti Fans ah.
Glichziitig spillt de FCZ dihei gege Luzern und nach 45 Minute gsehts düster us: 0:2 hine, s einzige Goal womer macht wird aberkennt. Was ide zweite HZ passiert, het sich de Raphi nöd chöne erträume: D Zürcher dreihed de Match und günned dankeme Kenny-Penalty ide Nachspielziit mit 3:2. Thema Milos erledigt?
Glichziitig spillt de FCZ dihei gege Luzern und nach 45 Minute gsehts düster us: 0:2 hine, s einzige Goal womer macht wird aberkennt. Was ide zweite HZ passiert, het sich de Raphi nöd chöne erträume: D Zürcher dreihed de Match und günned dankeme Kenny-Penalty ide Nachspielziit mit 3:2. Thema Milos erledigt?
1 Stunde 8 Minuten
Hoi Zäme, mier sind de Raphi und de Tim und sind Fans vo Zürcher Fuessballclubs. Hüt treffemer eus ide wüchentliche Selbsthilfegruppe und redet über eusi traumatische Erlebnis vode letzte Wuche. De FCZ verlürt sowohl in Basel wie au geg Lausanne – für d Fans isch klar, wer s Problem isch. Und GC wird nacheme starche 3:3 geg YB am Wucheend uf de Bode vode Tatsache gholt: Es 0:6 in Luzern wirft ganz vill Frage uf und schreiht nachere wiitere Hinterfregig vo de Bsitzergruppe.
1 Stunde 15 Minuten
So richtig im Schiff gstande isch vorallem GC: D Hoppers tauched in St. Galle und verlüred völlig verdient mit 0:5. Vome Usrutscher chamer bim FCZ nüme rede: Trotz Trainer-Kick verlürt am Raphi sis Team mit 2:3 gege YB. Und de FCW spielt unter Neo-Trainer Rahmen guete Fuessball, wird aber ide Nachspielziit chalt duscht: De Diaby trifft is eigene Goal, trotzdem gihts en wichtige Punkt für Winti.
53 Minuten
De Decarli nach 12 Minute, de Raphi nach 90 und de FC Winti scho die ganz Saison... Ide hütige Folg lueged de Raphi und de Tim uf e mässig erfolgrichs Wucheend vode Zürcher Clubs zrugg. De FCZ cha nachdem Derby kei Reaktion zeige und verlürt im Tessin, au GC bringt i Unterzahl keis Goal stand und unterliit Sion mit 0:1 und de FCW cha froh si, isches in Basel bim 0:3 blibe.
56 Minuten
GC setzt im Zürcher Derby es Statement: Grad mit 3:0 schlönds de FCZ mitere fantastische Leistig, was natürlich en euphorisierte Tim und en konsternierte Raphi im Pöde bedüütet. En Tag später verlüürt am David sin FCW nach 2-Tore-Vorsprung no mit 2:4 gege de FC Lugano – de David gseht rot!
1 Stunde 6 Minuten
De FCZ verlüürt und Winti & GC günned? Nur im Cup! Nach de 7. Rundi ide Super League isch sozäge wieder alles bim alte: Winti chunt in Genf vo Servette drunder und de David isch bereits versuecht, s Abstiegsbarometer es ersts Mal fürezne. Au wenn nöd ganz so ghyped wie de Trainer Scheiblehner findet de Tim gueti Wort für sis GC trotz Niederlag im Tessin. Und de Raphi derf nachem gruusige Cup Out en wichtige Sieg geg de Leader us St. Galle fiire.
1 Stunde 1 Minute
Die zweiti Cup Rundi isch gspillt und nur no 2 vo 3 sind debi. De FCZ holzt in Nyon vom Penaltypunkt und muess sich nach de bittere Niederlag auch no de Provkatione vom Heimteam stelle. Provoziert worde isch au in Schaffhuuse, mitem bessere Endi für Winti. Trotz em 4:0 Sieg isch de David nöd ganz happy mit em Uftritt. Und GC nimmt sich s Cup Motto sehr zu herze: Hauptsach wiitercho! Imene Grottekick schlönds Bellinzona mit 1:0.
1 Stunde 13 Minuten
En dopplete Tsawa, en gnüsslete Plange und de Opa Buess: Ide 6. Rundi isch einiges gloffe. De Scheiblehner holt sin erste Meisterschaftssieg als GC Trainer – und de Zvonarek isch nöd ide Startelf? De FCZ holt sich imene wilde Spiel dank Pfoste- und Latteglück en Sieg gege Servette – isch ez de Tsawa genau so es Tripple-A Talent wo de Milos immer verzellt? Und bi Winti isch de Uli nach VAR-Pech und eme 2:3 geg Sion wider hässig uf d Schiedsrichter – und mier fräged eus: Cha de Momoh de ersehnti Gomis-Ersatz werde?
52 Minuten
Di Giusto weg. Gomis weg. Geld da? D Sorgefalte vom David sind gross, nachdem ez au no de Gomis zu Schalke isch. Wird wiiter gspart oder reinvestiert? Und wer isch eigentlich schlechter: Winti oder GC?
Unter Abweseheit vom Raphi lueged de David und de Tim zuedem uf d Niederlag vo Winti im Kantonsderby gege de FCZ und s gross akündete 1:1 vo GC in Thun.
8:57 FCW vs FCZ
28:39 FC Thun vs Grasshoppers
Unter Abweseheit vom Raphi lueged de David und de Tim zuedem uf d Niederlag vo Winti im Kantonsderby gege de FCZ und s gross akündete 1:1 vo GC in Thun.
8:57 FCW vs FCZ
28:39 FC Thun vs Grasshoppers
1 Stunde 2 Minuten
Während ide Stadt Züri vill Seich verzellt wird, stellt mer sich in Winti d Frag, wie das cha guet cho. Und das obwohl de FCW im Kantonsderby gege GC i letzter Sekunde no s 2:2 erzielt und sich en Punkt schnappt.
Au bi GC chamer nach dem Unendschiede nöd zfride si, für das isch d Leistig zguet gsi und usegluegt het zwenig. Usegluegt het bim FCZ no vill weniger: Frust, Fragezeiche und Vorderige sind d Stichwörter nachem 0:4 Debakel gege de Ufstiger Thun.
6:50 THUN??
10:43 FC Zürich - FC Thun
19:01 GCZ - FC Winterthur
Au bi GC chamer nach dem Unendschiede nöd zfride si, für das isch d Leistig zguet gsi und usegluegt het zwenig. Usegluegt het bim FCZ no vill weniger: Frust, Fragezeiche und Vorderige sind d Stichwörter nachem 0:4 Debakel gege de Ufstiger Thun.
6:50 THUN??
10:43 FC Zürich - FC Thun
19:01 GCZ - FC Winterthur
