Professionell duretherapiert Archiv
50 Episoden
55 Minuten
An dere Stell sött eigentlich dr Podcast-Beschrieb stoh, aber das liest jo sowieso niemerts vo euch, also chönne mir do au eifach schribe was mir wänn. So wie mir jo au verzelle was mir wänn, wie au in dr hütige Folg wieder. Sogar wiedermol in gueter Tonqualität, will dr Silvan mitem gute Mikrofon anstatt mitem Laptop im Bett liegend zur Ufnahm erschiene isch. Naja, however - euch jedefalls vil Spass bim lose!
46 Minuten
Dr Silvan loht usrichte, dass er sich für si Zuestand in dem Podcast entschuldigt - er het gester chli z'vil Aperol Spritz gügelet und het die Folg dorum im Bett liigend müsse ufneh. Zuedem heter gester e Nahtoderfahrig gha und d'Madame rennt e Halbmarathon obwohl sie immer e Fuess ufem bode bhaltet. Die spinnt halt au, die Alti. Enjoy!
46 Minuten
Silvan did it again! Er het isch - allne Ahkündigunge zum Trotz - wieder ins exakt gliche Hotel ind Ferie gange. Witer hämmer hüt e Rolletusch vorgno, rede über d Freude und Struggles vom ellei Wohne und zum Schluss hämmer no ordentlich müsse dureschnufe a.k.a. Wim Hof ballere. Vil Spass!
47 Minuten
Mir hän die beste Idee für die Olympische Spiil! Wenn ihr uns also 2028 wännd im Stadion gseh, denn startet e Initiative, um d'Schwiz zunere Diktatur z'mache - glaubed uns, es wird super! Was au super wird: Wenn ihr jetzt de Podcast loset! Vil Spass :)
48 Minuten
Unseri Hobbys sind besser als euri! Wie mir uf das chömme und wie's um dr Früehlingsputz bim Silvan daheim stoht, um das gohts in dere wahnsinnig dure-genderete Folg. Vil Spass bim loseeeeeeeeee!
47 Minuten
Ooooooooooookay loset das vilicht nid, wenn ihr grad am Esse sind, suscht kunnts euch vilicht wieder soooo ufe, wie's uns in diverse Situatione wieder ufecho isch - upsi hihi! Aber es goht hüt nid nur um Mage-Inhält, sondern au kurzi Spiilsucht-Eskapade, Trinkgeld-Dilemmata und über dr Lago Maggiore. JAP! GEOGRAFIE! HA! Vil Spass bim lose :)
45 Minuten
We're back! Nachere völlig unerwartete Summerpause verzellt dr Silvan sini Insel-Gschichte, während d'Madame sich mit Quantephysik usenandersetzt. Tja, so unterschiedlich cha dr Alltag sy. Eure Alltag isch hoffentlich top & jetzt vil Spass bim lose!
Inputs/Froge: hey@onkelsilvan.ch oder uf Insta @silvanmeyer
Inputs/Froge: hey@onkelsilvan.ch oder uf Insta @silvanmeyer
43 Minuten
Okay, das Zitat chunt sooo nid im Podcast vor aber es passt zu dere liichte Verspötig, wo de Upload an Tag leit. Dr Silvan isch schuld, er gits zue und strittets zuedem au gar nid ab. In dere Folg git's lustigi Gschichte usem Kanton Glarus - mehr weissi leider nüm, aber losets doch am beste eifach selber!
Inputs/Froge: hey@onkelsilvan.ch oder via Insta-DMs
Inputs/Froge: hey@onkelsilvan.ch oder via Insta-DMs
49 Minuten
Hüt singt dr Silvan die chinesischi version vo 'König der Löwen' a.k.a. 'Kings of Leon', drzue gits e Dialekt-Wirrwarr und mindistens so verwirrti Eessgwohnheite, heissi Füess, (ABSICHTLICH!) nassi Socke, chli Sternzeiche-Eso-Gschmäus und folgendi Erkenntnis: Die Nudel ist ein Ganztag! Vil Spass bim lose!
Froge/Inputs: hey@onkelsilvan.ch oder uf Insta @silvanmeyer
Froge/Inputs: hey@onkelsilvan.ch oder uf Insta @silvanmeyer
52 Minuten
(Ups - gester isch usversehe e alti Folg online gange. Do isch die richtigi. Sorryyy)
Hüüüüüüüt gohts drum, wo und wenn mir mit unsere Schwäche und Ängst offe umgöhn - und wo nid. Zuedem erklärt dr Silvan wirklich mehr schlecht als recht, was s'Hormon "Dopamin" jetzt eigentlich genau isch (googleds bitte lieber nomol selber). Am Schluss hämmer beidi Hunger, das vereint uns! Euch wünschemer vil Spass bim lose, vor allem wenn Ihr Schicht müend schaffe!
Inputs/Froge: hey@onkelsilvan.ch oder uf Insta @silvanmeyer
Hüüüüüüüt gohts drum, wo und wenn mir mit unsere Schwäche und Ängst offe umgöhn - und wo nid. Zuedem erklärt dr Silvan wirklich mehr schlecht als recht, was s'Hormon "Dopamin" jetzt eigentlich genau isch (googleds bitte lieber nomol selber). Am Schluss hämmer beidi Hunger, das vereint uns! Euch wünschemer vil Spass bim lose, vor allem wenn Ihr Schicht müend schaffe!
Inputs/Froge: hey@onkelsilvan.ch oder uf Insta @silvanmeyer
51 Minuten
BREAKING NEWS! Dr Körper schüttet jetzt au Ibuprofen us. Witeri Problem: Wieso das mitem professionelle Image endgültig vrbii isch, mit was für Infrastruktur-Problem mir bim Podcast konfrontiert sind, die fehlendi Resilienz vo gwüsse Zimmerpflanze und Blauzähn. Zudem luegemr em Silvan sini Jagd nach 50 Pokémon genauer ah. Enjoy!
Inputs & Froge: hey@onkelsilvan.ch oder uf Insta @silvanmeyer
Inputs & Froge: hey@onkelsilvan.ch oder uf Insta @silvanmeyer
51 Minuten
In dr hütige Folg usem Süde, zumindest zu 50%, gohts um d'Vorteil vo Italie, verhunzti Wortschätz je nach Bruefsgattig und em Silvan sini Problem mitm Erzählpräsens. Mir rede über unverständlichi dütschi Wörter und mir bespreche au, wieme bim schaffe ka Druck useneh und lernt mit Perfektionismus im Job umzgo
Froge / Inputs wie immer gern an hey@onkelsilvan.ch
Froge / Inputs wie immer gern an hey@onkelsilvan.ch
49 Minuten
Wüssed ihr, was müehsam isch? Smalltalke anere Party wome kei Schwein kennt. Wie mir mit dem umgöhn (und natürlich no 20 anderi Sache) erfahred ihr hüt!
Input/Froge: hey@onkelsilvan.ch oder uf Insta @silvanmeyer
Input/Froge: hey@onkelsilvan.ch oder uf Insta @silvanmeyer
47 Minuten
Verdauigsproblem! Selbst-Diagnose! Bisexualität! Mozzarella! Und das sind nur 4 vo unzählige Wörter, wo in dr hütige Folg vorkömme. We wish you vil Spass bim listening!
Inputs/Froge: hey@onkelsilvan.ch oder uf Insta @silvanmeyer
Inputs/Froge: hey@onkelsilvan.ch oder uf Insta @silvanmeyer
45 Minuten
Hüt lerneder wiedermol für's Lebe (uf das gänn mir euch dr chlini Finger)! Sich zu unbequeme Sache überwinde bis zum Punkt - und jetzt müender alli ganz stark sy - wo's gar kei Überwindig me isch?!?! It's crazy?! Mir chegges au selber noni ganz. Zuedem gohts wiedermol bitz um ADHS aber mir erkläre au, warum das trotzdem alli agoht und wieso das überhaupt so isch, dass me bi allne ADHS-Symptom immer denkt "das hän doch alli". Spoiler Alert: Wills so isch! Warum? Für das musch driilose. Vil Spass!
