Swiss Rap Talk

De Monet redemer über s'erschte Studioalbum, oder wie de GoldLink selber meint sis Breakout-Mixtape, "At What Cost". Vo Iflüss vo "go-go music" bis zu Gospel zeigt das Mixtape vieli verschiedeni Facette. Mir hoffed, ihr sind au so positiv überrascht vo dem Washington D.C. based Rapper wie mir. Viel Spass bim lose vo dem Rap Talk, dem Mixtape und witere zuekünftige GoldLink-albene, ihr werded sicher ein zwei Bangers drin finde.

Nei mir hend nöd scho nachem zweite Podcast ufgeh. Nachere gfühlt unendlich lange Pause, gahts endlich wieder wieter! ALLEZ! Milky way vom Bas A.K.A Bassy. Losed ihne.

Hüt redemer übers Debütalbum vom 6lack oder "sixlack" wie mir ihn nenned. S’ Album heisst "free 6lack". Ih dem Projekt redet dä Künstler über sini Ziet in East Atlanta (Zone 6), sini Vergangenheit mit alte Labels, Chayas und Lüt wo ihn wänd verändere.  Dä Vibe vo dem Album isch öppis völlig neus, wo mir bis jetzt no nie susch ghört hend. Mitere Mischig vo R’n’B, Soul und Hiphop, ere insane Production und ere sehr eigene melancholische Art mit Lieder wo flüssend inenand übergönd het dä Artist es Meisterwerk kreiirt. Und das ohni eis Feature (uf dä ursprüngliche Version ohni Bonus Tracks).  Da eusi Bewertig: Alain: 5.2 Noah: 5 Jan: 5.5