Startseite
Podcasts
klookluustert Podcast
#22 Verscheden Sichtwiesen op Plattpolitik

#22 Verscheden Sichtwiesen op Plattpolitik

klookluustert vor 10 Monaten

0:00

39:19

In uns veerte Reeg „klookluustert op Törn“ geiht dat üm
verscheden Sichtwiesen op spraakpolietsche Themen. Dütmal weren
wi in’t Spraakrebeet ünnerwegens.

In den tweten Stremel snackt Christoph Ahlers mit Lüüd,
de sik spraakpolietsch för Plattdüütsch engageert. He will
rutfinnen, wat ehr Motivatschoon dorför is, de Sprekergrupp
gegenöver de Politik to vertreden, wat se al beschickt hebbt un
wat för Themen neegst anliggen doot. Ok en Vertreder ut de
Politik kümmt to Woort: Johannes Callsen, de
Minnerheitenbeopdraagte vun Sleswig-Holsteen. He vertellt, woans
he sik för de Regionalspraak insett un wat för en Bedüden de
Schuul vun Plattdüütsch för Sleswig-Holsteen hett. Heel
intressant is ok de Sichtwies op Spraakpolitik vun en
Plattsnackersche, de anners nix mit Politik to doon hett.

Schrievt doch mal in de Kummentoren, wat för spraakpolietsche
Themen jo sünnerlich wichtig finnt.

____________________

Du fraagst di, welk Dialekt Christoph snackt? Opwussen is he in
Neddersassen un snackt noordneddersass'sch Platt.

____________________

Stütt geven för dat Projekt hett dat Bunnsbinnenministerium.