Startseite
Podcasts
Chronisch Ironisch Podcast
#11 Prüefigsangst, Lungepower und de Start vore Hantu-Karriere

#11 Prüefigsangst, Lungepower und de Start vore Hantu-Karriere

Chronisch Ironisch vor 11 Monaten

0:00

45:46

Willkomme zu üsere nöiste Foug vo üsem Chaos-Podcast!

Disi Wuche startemer mit Adrenalin: T Däna het ihri Töffprüefig
bestande! - und das trotz Panikattacke-Level Nervosität. Vo "Ih
dräie um" zum Stouz am Schluss.

När wirds chlei tiefgründig: Däna verzeut vo ihrne nöiste
Genetikresultat und was genau das für si bedütet. Es geit um z
Thema Brustrekonstruktion - es Thema, wo Muet, Offeheit und eh
Portion schwarze Humor brucht. Zwüsche ärnste Gedanke und viu
Lache nämemer kes Blatt vor z Muuh.

Parallel dezue giz eh chline Schock: T Säma het ufghört z rouche
- und das komplett ohni Drama. Kes Pflaster, ke Chätschis, ke
Zämebrüch. Eifach so "Tschüss Zigi."

Und wüu eis Wunder säute allei chunt: t Säma wett offiziell zum
Gym-Girly wärde. Hantle, Muskukater und Spiegupose - vor
Dampflock diräkt zur Fitnessqueen.

Di Foug wird auso emtional, ehrlich, chaotisch und wie immer
mitere grosszügige Portion Säubstironie!