Up Keierpadden Archiv
31 Episoden
47 Minuten
Imke Schwarz un Benita Brunnert snacken över de Fierdaag in un üm November - dat geiht Enn Oktober mit de Reformationsdag un Halloween los, denn komen Allerheiligen un Allerseelen, de Volkstruerdag un Dodensönndag. Se wunnern sük över mennig Tradition, gahn mitnanner van´t Düüster in´t Lucht un weten nu, dat de Körbs egentlich een Rööv is!
43 Minuten
In de 29. Stremel van hör Podcast "Up Keierpadden" snacken Benita Brunnert un Imke Schwarz mit Tanja Haase ut Hermannsburg. Tanja kennt sük mit Physiotherapie genauso good ut as mit Ernährung - se hett u.a. mit Imke Schwarz dat Format "Pottkiekers dröfft dat" erfunnen. Hier koken Jung un Old tosamen - allns "up Platt"! Butendem weet Tanja ´n Bült över Zöliakie un helpt anner Lüü in´n Gruppe, daarmit beter klar to komen.
1 Stunde 23 Minuten
Benita Brunnert un Imke Schwarz sünd ditmal mit´n Multitalent "up Keierpadden" unnerwegens: Annie Heger. Se is Sängerin, Moderatorin, Autorin, Predigerin, Entertainerin un noch so vööl mehr - up Hoch un up Platt. Annie Heger vertellt, wat hör de Gloov bedüden deit, proot´t open över hör Krankheit un daaröver, warüm sük dat lohnt, luut to seggen, wat man denkt.
1 Minute
In de 27. Folge van hör Podcast "Up Keierpadden" snacken Benita Brunnert un Imke Schwarz mit Johannes Buhr. De heet nich bloot so, de is ok Buur un brengt Schoolkinner up´n Hoff in de Lüneburger Heid bi, wo man Höhner foort, Tuffels plant un de Swienstall utmist. Dat een of anner Word up Platt lehren de Kinner denn blangenbi - Johannes kennt sük ok mit Spraaken ut un hett u.a. mit plattdüütsch Theater up de Bühn stahn.
1 Minute
Imke Schwarz un Benita Brunnert kieken in hör egen Leben torügg un snacken daaröver, wat för Leeder för hör wichtig sünd un weern. Van Reinhard Mey över Fleetwood Mac bit hen to´n Speelmannszug - höör mal rin!
53 Minuten
De 25. Folge van "Up Keierpadden" is ruut! Imke Schwarz un Benita Brunnert snacken mit "Plattfluencerin" Lisa Wrogemann över hör Reisen mit "Lissy", Heemat un Fernweh, Meditation up Platt und de Winter in Island.
46 Minuten
In de 24. Folge van hör Podcast sünd Imke Schwarz un Benita Brunnert nich mehr an´t Keiern, nee, se danzen! Mit Danzmesterke Kerstin de Vries ut Ostfreesland wagen se sük up´t Parkett. Dat dreiht sük üm de Danz in den Mai, de neje Trends in Danzscholen, Tango in d´Kark un waarüm sük dat doch lohnt, de egen Keerl to´n Danzkurs to överreden.
1 Minute
De 23. Folg van de Podcast "Up Keierpadden" kummt an´n Karfreedag (oder ok "Still Freedag") ruut. Een besünner Dag bald an´n Enn van de Fastentied. Benita Brunnert un Imke Schwarz snacken daaröver, waarup se verzichten köönt, verzicht hebbt un waar man de Blick an Still Freedag up utrichten kann.
53 Minuten
Se nöömt sük "Ballerdutje" up social media un is bekannt dör de Podcast "Party, Platt un Plüschmors": Hilka Jeworrek is ditmal mit Imke Schwarz un Benita Brunnert up Keierpadden unnerwegens. Snackt word över social media, Kunst up Platt un´n Bruutpoor, dat villicht gar kien is. Rinhören!
1 Minute
Snackst du noch oder prootst du al? Büst villicht sogar an´t Kören? Plattdüütsch is nich glieks Plattdüütsch - dat gifft vööl Dialekten un de Spraak wannelt sük. Mitunner erfinnen de Plattdüütschen ok geern Worden as "Plüschmors" oder "Huulbessen"? Wat schall´n daarvan hollen? Imke Schwarz un Benita Brunnert snacken, proten un kören mit Thees Becker. He studeert Plattdüütsch in Oldenbörg, sitt in´n Bunnesraat för Nedderdüütsch, steiht regelmäßig as Prädikant up de Kanzel un is mit Poetry-Slam up Platt unnerwegens. Genug Grünnen, mit Thees mal "up Keierpadden" to gahn!
32 Minuten
Imke Schwarz un Benita Brunnert sünd geern to Foot unnerwegens - up Pilgerwegen, bi d´Mammutmarsch oder eenfach bi´n lüttje Gang vör de Döör. Waarüm egentlich? Wat is so mooi daaran, to wannern, to pilgern, to keiern? Wat kann een dat geben? Maak di up Padd un höör rin bi de neje Folge van "Up Keierpadden"!
1 Minute
Benita Brunnert un Imke Schwarz sünd up hör "Keierpadden" in de Wiehnachtsbackeree landt. Se proten in de 19. Folge van hör Podcast mit Jan-Henning Körner, de letzte Backer von Finkenwarder, de noch sülvst backt.
25 Minuten
Up hör Keierpadden kieken Imke Schwarz un Benita Brunnert ditmal in de School vörbi: Mit Mesterke Frauke Müller snacken de beid över Unnerricht froher un vandaag, över Rallyes un Kinnerleeder, över Schneewittchen up Platt un wat Fraukes Oma mit de ganze Saak to doon hett.
38 Minuten
"Plattdüütsch is´n Kompetenz" - dat seggt Heinrich Siefer. He hett lang mit Plegerinnen un Plegers in de katholische Akademie Stapelfeld arbeid´t un daar is hüm klar worden, wo groot de Bedüden van Plattdüütsch in de Pleeg is. He vertellt Imke Schwarz un Benita Brunnert, wat Plattdüütsch in Krankenhuusen un Pleeg-Inrichtungen bewirken un wo een dat lehren kann.
29 Minuten
Bickbejen, Brummelbejen, Krüüsbejen - disse mooi plattdüütsch Worden kummen in´n Harvst besünners to Ehren: Denn wi köönt aarnten! Imke Schwarz un Benita Brunnert sammeln "Up Keierpadden" lecker Früchten in: Ut´t Tuun un van´t Balkon, van anner Lüü un middent ut´t Leben.