FischVerruckt Archiv

I dere Episode vom erschte Schwiizer Fischerpodcast dreiht sich alles um d Schwiizer Sportfischermäss!

Gmeinsam mit eusne Gäscht, em Ralf und em Gezi, mached mer en ehrliche Blick zrugg:

Was isch guet gloffe? Wo hets Überraschige geh? Und wie fühlts sich a, sone Mäss z organisiere?

Mir ziehnd euses persönliche Fazit und redet au über Highlights, spannendi Begegnige und über d Szene sälber.

Natürlich chömmed eusi Gäscht ned ums legendäre Entweder / Oder ume

Also, e Episode mit Mässehighlights, Hintergrundgschichte und Insights. Inelose, kommentiere und abonniere

Au das Jahr hämmer wieder live vo de Schwiizer Sportfischer Messe e Folge ufneh dörfe und was söll mer säge: Es isch eifach mega gsi! ️

Mit debii gsi sind:

Johannes Gasser

Enrico di Ventura

Simon Torenbeek

Max Guder

Marius Schepp

Paolo Baragioli

Danke eu villmal für eui Ziit und die spannende Iiblick i eui Angel-Welt. Mitten im Messe-Trubel e Podcast ufneh isch nöd selbstverständlich das schätzed mir extrem!

Mir hend über d’Highlights vo de Schwiizer Sportfischer Messe gredet, über üsi Eindrück diskutiert und natürlich isch au de YPC Bank es grosses Thema gsi. Unterschiedlichi Meinigä, ehrlechi Wort und viel Leidenschaft fürs Fische genau das macht so es Messe-Special us.

En riesige Dank gaht au an Ralf und Gezzi, wo das Ganze als Veranstalter möglich gmacht hend. Ohni eu wär das in dere Form gar nöd denkbar gsi danke villmal für d’Plattform!

Ganz speziell isch au gsi, dass de Eric, en treue Follower vo eus, unbedingt im Podcast debii sii wollt. So öppis freut eus mega danke für dini Unterstützig!

Und natürlich danke mir allne, wo eus erkannt, aagredet und mit eus gredet hend. Eui Feedbacks und die persönliche Begegnige sind für eus nöd selbstverständlich und bedüte eus extrem viel.

Merci für es hammer zweits Jahr a de Messe mir freued eus jetzt scho uf s’nächste Mal!

Tight Lines

Nicco & Oli

Ide 43. Episode vom erschte Schwiizer Fischerpodcast FischVerruckt hemmer euse erschti Gascht im neue Jahr und widmet eus ganz dem spannende Thema Köderbau. Gmeinsam mitem Peter Aschwanden redet mit übers Nachebinde vode bekannte Miuras Mouse und erhaltet exklusivi Iblick, was es defür brucht, wie er überhaupt zum Köderbau cho isch und wo die gröschte Useforderige sind. Zuesätzlich gits natürlich wieder intressanti Infos und Neuigkeite us de Fischereiszene, bevor sich euse Gascht im klassische Entweder / Oder bewiese muss.

Doch de Peter isch ned mit leere Händ agreist: I dere Episode gits grad zwei Gwünnspieli. Verlost wird en handbundeni, ide Schwiiz hergstellti Mouse vom Peter Aschwanden höchschtpersönlich, sowie zuesätzlich 3x2 Tickets für d'Schwiizer Sportfischermäss. Was ihr defür mache müend, erfahred ihr ide aktuelle Episode.

Also drablibe, inelose, like, abonniere und kommentiere - villicht werdet ihr scho bald als Gwünner bekannt geh!

Petri Heil und viel spass bim zuelose

Ide 42. Episoden vom erschte Schwiizer Fischerpodcast FischVerruckt redet wieder emal nur de Oli und de Nicco. Gmeinsam lueged mir zrugg ufs vergangene Jahr, redet über eusi High- und Lowlights und teiled spannendi Infos us de Szene. Natürlich waged mir au en chline Usblick ufs kommende Jahr und wie immer derf euses Entweder / Oder ned fehle.

Losed ine i die letschti Episode vom aktuelle Jahr, gnüssed jedi Minute und stimmed euch uf es neus, spannends Podcast Jahr i!

Mir wünsched euch es frohs neus Jahr und en schöni, erholsami Ziit mit eue Liebschte.

Oli& Nicco

I de 41. Episode vom erschte Schwiizer Fischerpodcast FischVerruckt tauched mir tüf i die faszinierendi Wält vode Äsche. Als Gascht isch de Manu Schwander, wo sini interdisziplinäri Abschlussarbet über die bsonderi Fischart verfasst het. Er erchlärt eus, wie sich de Äschebestand ide Aare entwicklet hed, welli Useforderige bestönd und wie d Zuekunft vo dere Fischart in de Schwiz usgseh chönnti. Natürlich stellt er sich allne Frage vo eus, sowie au vode Community.

Usserdem verkündet mir d Gwünner vo eusem letschte Gwünnspiel und de Manu stellt sich eusem beliebte Entweder/Oder Quiz mit es paar knifflige Frage.

Jetzt inelose, abonniere und like! Mir freued eus wie immer uf euches Feedback!

Links:

Hydrodaten Bafu: https://www.hydrodaten.admin.ch/de/seen-und-fluesse/messstationen-zustand

Blogseite Manu Schwander: https://www.fischermaen.ch/

FIBER: https://www.fischereiberatung.ch/

Fischseuche Blausee: https://www.20min.ch/story/blausee-viren-alarm-fischzucht-muss-200-000-regenbogenforellen-toeten-103450525

PFAS Belastung Zugersee: https://www.srf.ch/news/schweiz/starke-pfas-belastung-sofortiger-verkaufsstopp-fuer-hecht-und-egli-aus-dem-zugersee?fbclid=IwdGRleAOFrFxleHRuA2FlbQIxMQBzcnRjBmFwcF9pZAo2NjI4NTY4Mzc5CGNhbGxzaXRlAjI1AAEe79ogh_xwaRnxsaWyQ4FG3BiaMbShaTAQgaF4VZQcsr62fDJlwSQp8OQ_st0_aem_SJ64xz8NsSBIeAVKC1HEjw

Ide 40. Episode vom erschte Schwiizer Fischerpodcast FischVerruckt hämmer ganz en bsundere Gascht bi eus: De Milan vo Mickey‘s Tackle! Er verzellt eus, wie er zu sim eigene Tacklshop cho isch und warum sis Herz für hochwertigs JDM Tackle vo Marke wie Deps, OSP oder au Megabass schlaht!

Zudem hät de Milan es richtig starchs Gwünnspiel mitbracht! Was und wie ihr günne chönnd, erfahred ihr direkt i dere Folg. Und s Beschte: Jede zuehörer kennt nachher de exklusivi 10% Guetschincode für sin Shop und chan sich mit feinschtem JDM Tackle idecke!

Wie immer stellt sich euse Gascht muetig am legendäre Entweder/Oder und verratet spannendi Iblick id Schwiizer Fischereiszene.

Also: Inelose, abonniere & Kommentiere! Wie immer freuet mir eus uf euches Feedback!

Guetschincode: FischVerruckt

Nachere längere Pause mäldet mir eus wieder zrugg mit de 39. Episode vom erschte Schwiizer Fischerpodcast FischVerruckt. Mir verzelled euch wie eusi Fischertrips nach Italie und Holland gloffe sind und ihr erfahred ob de Oli zusim lang ersehnte Zander gfunde hed!?

Natürlich derfed au die spannende Infos us de Fischereiszene und s beliebte Entweder /Oder ned fehle. Das Mal hed sich de Oli wieder voll is Züg gleid zum euch mit spannende und luschtige Frage z überrasche.

 Also: Inelose, abonniere und kommentiere! Mirfreued eus immer über euches Feedback.

Ide 38. Episode vom erschte Schwiizer Fischerpodcast redet mir über die spannendi Thematik "Neui Gwässer". Wie gömmer vor, wenn mir es unbekannts Gwässer befische wänd? Weli Hilfsmittel chönnd eus debi unterstütze? Und warum fanged d Vorbereitige bereits dihei a?

Näbscht de hilfriche Tipps und Strategie für Spinn- und Raubfischfischer gits wieder villi aktuelli News us de Schwiizer Fischerszene und natürlich s beliebte Entweder / Oder Format.

Also: Inelose, Abonniere und Kommentiere - So verpassed ihr kei spannendi Episode meh!

Ide 37. Episode vom erschte Schwiizer Fischerpodcast hämmer wieder en ganz bsundere Gast bi eus: De Daniel Odermatt - Teamfischer bi Westin und Gschäftsfüehrer vom Fischerparadies Lungere. De Dani hed eus spannendi Iblickei sini Wält geh, mir hend ihn mit Frage glöchered und debi s einte oder andere Gheimnis entlockt.

Natürlich hed au er sich euchne Frage us de Community, und am mittlerwiile klassische Entweder / Oder gstellt - mit de einte oder andere überraschende Antwort!

Und wies sich ghört, hed de Dani au es paar tolli Goodies für euch mitbracht. Was es dasmal z gwünne git und wie ihr mitmache chönnd, erfahred ihr i dere Episodevom erschte Schwiizer Fischerpodcast!

Also: Inelose Abonniere & Kommentiere!

Ide 36. Episode vom erschte Schwiizer Fischerpodcast redet de Oli und de Nicco über die aktuelle Themene ide Schwiizer Fischerszene.

Zudem isch die Zwüsche-Episode churz ghalte, da ja bereits innere Wuche die nächschti Episode live gaht️

Aber trotzdem simmer eusem Programm treu blube und hend ALLI Rubrike duregmacht; au euses klassische „Entweder/Oder“

Somit, dra bliibe, like, kommentiere und vorallem abonniere

Link zum Artikel „Bass im Baldeggersee“:

https://www.luzernerzeitung.ch/zentralschweiz/kanton-luzern/baldeggersee-invasiver-raubfisch-hat-sich-noch-nicht-ausgebreitet-ld.2804465

Ide 35. Episode vom erschte Schwiizer Fischerpodcast FischVerruckt redet mir über es zentrals Thema für alli Spinnfischer: Welle Köder bringt am Meischte Egli und Hecht?

Mir diskutiered, was en guete Hecht- oder Egliköder usmacht, welli Modäll und Farbe für eus Must-Haves sind und welli Baits mir lieber dihei lönd.

Natürlich hemmer wieder es spannends Entweder / Oder für euch vorbereitet!

Losed ine und holed euch früschi Inspiration für euchi Tacklebox️

Und natürlich wie immer: Folge, Like und Bewerte ned vergässe

Ide 34. Episode vom erschte Schwiizer Fischerpodcast FischVerruckt hämmer en spannende Gascht: Jonas vo Cptn Greenfin!

Er verzellt eus d Gschicht hinter sinere Marke, wie alles agfange het und was ihn hüt no atribt.

Natürlich hemmer ihm au euchi Frage gstellt, verzelled wie eusi Wuche gsie isch und spieled denn euses beliebte Entweder/Oder - Dasmal aber innnere chli andere Version.

Und ja, es git au wieder es Gwünnspiel! Was ihr gwünne chönd und wie ihr mitmached, erfahred ihr wie immer direkt i eusem Podcast.

Vergessed ned, eus z abonniere, z Folge und z Kommentiere!

Ide 33. Episode vom erschte Schwiizer Fischerpodcast FischVerruckt widmet mir eus - äntlich wieder - mal eus sälber. Mir verzelled, was bi eus ide letschte Wuchene so los gsie isch, lösed s Gwünnspiel vo de letschte Episode uf und spieled natürlich wieder en Rundi Entweder / Oder.

S Hauptthema i dere Episode isch jedoch: Q&A!

Mir beantwortet eui Frage us de soziale Medie und de Kommentär. Also losed ine, wenn ihr scho länger uf en Antwort warted

Und wie immer gilt: Folge, Like, Abonniere & Kommentiere

Ide 32. Episode vom erschte Schwiizer Fischerpodcast FischVerruckt ️ händ mir en bsundere Gascht: de Thomas Geyer. Er plauderet mit eus über spannendi Insider-News und teilt wertvolli Tipps zu neue Gwässer.

Usserdem hed er es tolls Gwünnspiel im Gepäck - d Priise chönnd sich ächt gseh lah! Zum Schluss stellt sich de Geyer em gwagte „Entweder / Oder“ und liefered eus einigi überraschendi Antworte.

Vergässed nöd abonniere, bewertet dä Podcast, like und Kommentiere - ihr kenned das Spiel