MittSchnitt z'dritt Archiv
40 Episoden
38 Minuten
Ih de allerletste Sendig vo MittSchnitt z'dritt mached d Caro, d Lisa und de Moritz en grosse Recap vo de vergangene anderthalb Jahr und lönd ihri Radioshow Revue passiere. Chlini Ihblick hinter d Kulisse vo de Radioshow und s Schwelge in Erinnerige dörf debi natürli nöd fehle.
46 Minuten
I de zweitletschte Sendig vo MittSchnitt z'dritt gads rund ums Thema Fraue im Sport. Was eusi Meinig dezue isch und wie viel mir zu dem Thema wüssed, ghöört mer i dere Folg.
40 Minuten
I de drittletschte Sendig redet d Caro und d Lisa über nervigi Chlinigkeite, rätsled über Erfindige und philosophiered über Richtum. All das und no meh gits i dere Folg.
43 Minuten
Gräbe i de Gsellschaft werded i dere Folg zum Thema vo eusne Hosts. Em Ursprung vo dene Gräbe uf de Grund gah isch aber gar nöd eso eifach, genau wie d Dialektwörter vo dere Wuche usefinde.
41 Minuten
Die Wuche gahts bi MittSchnitt z'dritt um Sagene. Für das isch sogar e Gästin mit Expertise im Studio. Mer chan aber au wieder mitrötle und dasmal nid nur bi de Dialektwörter...
41 Minuten
Was es für komischi Gsetz i de Schwiiz gid und was mir für Idee für neui Gsetz hend, erfahrsch i dere Folg. Es gids das Mal aber au no spannendi Fake-Gschichte vo de Caro und en Dialektwörterüberraschig vo de Lisa.
44 Minuten
Endlich wieder vollzählig reded d Caro, d Lisa und de Moritz über Brüef us de Vergangeheit und de Zuekunft und es wird über e potenzielli Karriere im Aawaltsbusiness diskutiert.
40 Minuten
In dere Wuche reded d Caro und de Moritz über Social Media. Sie tauched tüüf id Online-Welt ihh und reded über ihri eigene Erfahrige mit de verschiedene Plattforme, aber au über d Gfahre und d Möglichkeite wo sie büüted.
38 Minuten
I dere Folg dreht sich alles ums Thema Sprache, Jugendwörter und euses Schwiizerdütsch mit sinere Entstehig. D Lisa und de Moritz hend einiges Neus chönne dezuelerne.
36 Minuten
Die Wuche hend d Caro und d Lisa z zweite über verschideni Themene gredet. Sie erinnered sich zrugg wo sie z letst uf en Baum klettered sind, reded über ihri eigeni Motivation und diskutiered witeri interessanti Sache.
43 Minuten
Wieder in voller Bsetzig und sogar mit emene Special Guest wageds die drüü Hosts in en neui Folg. En Profi Biathlet verzellt vo sine Erfahrige mit Leistigssport, es gid aber au neui Sportarte z entdecke und Dialektwörter zum lerne.
41 Minuten
Ih dere Folg redet d Caro und de Moritz vor allem über d Fasnacht und werdet nach dere Folg villicht au canclet. Und obwohl d Lisa nöd debi isch, het sie trotzdem en chline Uftritt in de Sendig.
46 Minuten
Mir sind zrugg us de Sendepause und startet top motiviert ih die dritti Staffle. Das mal gids nöd nur es spannend Interview mit emene Iihblick id Produktion vomene ESC Event, sondern au bi eusne altbekannte Format gits öppis z'lerne, philosphiere und rätsle.
35 Minuten
Ih de letste Folg vo de zweite Staffle vo Mittschnitt z'dritt gits es entweder/oder, ethischi Frage und mir redet über üsi Erwartige vo Chur und Graubünde. Natürli dörfet au s Good to know und d Dialektwörter nöd fehle.
37 Minuten
Die Wuche ohni d Caro reded d Lisa und de Moritz überi ihri Akunft im Neue Jahr und anderi Theme wo sie aktuell beschäftiged.
