tjabelstünj uun't raadio Archiv
129 Episoden
22 Minuten
Tjabelstünj teft al üüb jul, an diartu paaset uk üüs program. Wi snakke am adwentskalendern an hiar, wat at mä't julstak "Stop the Cavalry" faan Jona Lewie üüb ham hee. Bi Mä Marret an Hauke üüb't suufa gungt at - üüs uk letst feer al - am musiik faan't juar 2020 an neis ütj a musiikwäält.
17 Minuten
A advent as entelk diar mä aal sin fein musiik! Wi snaake diaram am’t stak „Oh Tannenbaum“. Oober wi san uk al nai bi't aanj faan't juar, an so luke wi al turag üüb a musiik faan’t juar 2020. An tuletst hiar jam noch, wat a kuukenkrich wiar.
19 Minuten
Tjabelstünj luket ham daaling de began faan en paar fiktionaal figuuren uun: Wat wiar a iarst film mä Zorro? An huar komt Indiana Jones eentelk faandaan? An „Mä Marret an Hauke üüb’t suufa“ wel wi üs en betj ferhaale.
14 Minuten
Bi üs begant daaling al en betj a jultidj, dan wi snaake am a iarst julfilm faan't juar. At jaft intresant saagen auer't lochtpomp tu hiaren an wi snaake ens weler am musik an du jam en paar musiktips.
19 Minuten
Heer as üüs program jin en gräen dai uun a nofembermuun: det gungt am en vampiir-seerie an hü ham mä frinjer an familje likers spoos haa kön, wan ham enöler ei meet. An wi fu tu hiaren, huar at wurd „Ghetto“ faan komt.
11 Minuten
Wi raise weler en betj uun a histoori ambi an wel hartelk gratuliare. Det gungt am en riise, wat tu stian wurden as. Dan as diar det fraag, huar det spreegwurd „Jemand hat etwas auf dem Kerbholz“ faan komt. An dan hee de schongster Bryan Ferry noch gebuursdai.
21 Minuten
Das feer reise wi en betj uun a twuntiger juaren an luke üs a abspan faan’t seerie „Babylon Berlin“ uun. Bi „Mä Marret an Hauke üüb’t suufa“ gungt at am a harewst an handy-spalen. An dan wiar jä noch Erntedank, diartu wiar Franziska an Mareike uun dracht onerweis, an at mösduk hed’s natüürelk uk mä.
25 Minuten
Wi feire daaling üüs 200. sending. Man naist diartu gungt at uk noch am a harewst. Wi reise mä "Wat en Leedji fortelt" efter Hawaii an gung uun a zoo, wan't al jonk as.
32 Minuten
Wi snaake noch ens am jul an wat lidj för puan diarmä haa (of uk ei), wat das juar so uun a streaming tiinsten spelet wurden as an huar'm noch so am snaaket, wan a feierdaar diar san.
38 Minuten
At san noch am an bi 12 daar bit jul an jüst am sok twaalew daar gungt at das weg uk bi Wat en Leedji fortelt. Uun detdiar stak wurt wel nooch faan a 12 daar efter jul snaaket, oober det as för üüs show notes ja nü ei so wichtig. Huar wi das weg uk noch üüb luke, san filmer an seerien, wat för üs üüb arke faal tu't fulfest diartu hiar – föör, am an efter jul. An bi detdiar teema san wi uk üüb det fraag kimen, huaram lidj uun (föör aal amerikoonsk?) filmer oofting a skuar uunbehual – sogoor wan's üüb't suufa of baad sat.
31 Minuten
Adwentskalendern, jul-shopping, jul uun't fernseen bi Dr. Who, jul uun't musiik mä Rudolph bi Wat en Leedji fortelt – jul as aueraal. An a Nikolaus komt.
23 Minuten
Suutjis komt jul imer naier an uk wan noch nooch tidj as, am a miast presenten tu kuupin (hööbe wi tutmanst), jaft at aueraal al föl tu iidjen an tu dranken, wat för üs tu't julfest diartu hiart. An jüst diar am gungt at das weg: hü smeekt a wonter an wan nerfet a julmarkels ianfach bluat noch? Wat uuntesken uk tu't jultidj mä diartu hiart, san nei Star Wars filmer. Hör efekt üüb't musiikaalisk popkultüür wurt das weg bi Wat en Leedji fortelt naier trochnimen.
10 Minuten
Sant fiartig juar jaft at a trii fraageteeken uuntesken. Diarauer gungt at das weg gliks triisis (ei fiartigsis, det haa'f ei skaafet) am det, wat dön trii dringer ütj Rocky Beach so belewet haa – an wat'm mä jo üüb a büünen uun hör shows belewe kön. An diarmä't uk bi üs so en betj tradisjuun an wat konstantes jaft, haa'f uk das weg en nei episood faan Wat en Leedji fortelt, das feer am en ual ingelsk stak.
16 Minuten
Wat en Leedji fortelt luket efter freihaid, Mareike hee en buktip am en krimi, wat uun Sleeswig-Holstian spelet an Hauke snaaket am gud an ring saagen, wat smart homes mä jo bring.
36 Minuten
Am jil mut'm ei snaake? Du wi likes. Lidj schong uk am Babylon – det hed't iarer uk ei jewen. Oober mä pöpin wurt imer spelet.