Audio Dösige Entwicklung’ in’t Muul

De Döschkassen Podcast01.08.20 06:00 Uhr

Dösige Entwicklung’ in’t Muul von Heiko Kroll

Dauer: 00:02:52

Dösige Entwicklung’ in’t Muul


Dat gifft je kuum twee Fraktschoon, de sick so dull vertörnt hebbt as de Darwinisten un de Kreatschoonisten.

De een seggt, dat allns, wat op de Welt so rümkruupt, schwümmt un flücht, dat Ergeevnis vun Mutaschoon över Milliarden vun Johr un vun dat Överleven vun de Stärksten is. Wenn man dat mol genau nehm‘ deiht, denn sünd wi allns Mutanten. Dat lot ick eenfach mol so stohn.

De annere Fraktschoon seggt, dat is allns Tüünkrom. No de ehr Övertüügung is de Eer man jüst ’n poor Duusend Johr old un de Planten, Tiern un Minschen sünd all tosom vun leeven Gott mokt worrn.

Ick weet ni wat dorvun stimmt. Wenn ick mi overs in Speegel bekiek, fallt mi dat licht, dat mit de Mutatschoon to glööven. Un wenn ick vun‘ leeven Gott mokt worrn bün, denn hett de anschien’d ’n ganzen Barg Humor.

Overs annerlei wat nu de Wohrheit is, över een Sook, de dorbi rutkom‘ is, kann ick mi mitünner den ganzen Dag argern. Un dat sünd de Tähn. Wenn Darwin Recht hatt hett, worüm hett sick bi dat ganze Muteern nix vernünftiged to’n Kaun‘ entwickelt? 

Wenn man Lütt is, fallt een‘ de Tähn erstmol ganz un gor ut. Dor kümmt denn twor frische, overs mit de hebbt de Mehrsten so lang Arger un Wehdoog, bet ook de utfull’n sünd.

Wenn man blots noch ’n poor Tähn hett, denn kann man sick to Wiehnachen veellicht ’n Teelicht in’t Muul stelln un so in Düüstern interessante Lichteffekte an de Wand smieten, ansünsten overs is de Natuur no mien Ansehn op’n Holtweg, wat de Tähn angeiht. Sülms wenn man dor jeden Dag as’n Verrückten op rümputzt, is man vör Löcker un Parodontdingsbums ni seeker. Veellicht entwickelt sick dor je noch wat anners in de nästen poor Millioon Johr. Dor ward wi all tosom overs nix mehr vun hebben. So mööt wi uns wohrschienli wiederhen mit Tähnweh un all dat ut’neensetten.

Wenn nu overs de Kreatschoonisten recht hebbt, denn verstoh ick överhaupt nix mehr. Wull uns de leeve Gott dormit bestrofen oder argern, dat he uns de Dinger in’t Muul sett hett? Wenn dat ni so is, denn gifft dat blots noch een Möglichkeit: Gott is ’n Tähnarzt...


In düssen Sinn



Der Download ist eine Audio-Datei aus der Reihe des Podcast-Angebotes De Döschkassen, die du hier downloaden und online anhören kannst. Informiere dich über den De Döschkassen Podcast Download.

* Download/Wiedergabe im Player erfolgen direkt vom Server des Anbieters.

Stichwörter

Stichwort hinzufügen

Kommentare

Boyens Medien

MP3 online hören: Dösige Entwicklung’ in’t Muul

Podcast Download - Folge Dösige Entwicklung’ in’t Muul online hören Verpasse keine Folge dieses Podcasts. Dösige Entwicklung’ in’t Muul MP3 online hören, solange die Datei verfügbar ist. Die Dateien können jederzeit vom Anbieter offline genommen werden. Die Inhalte stammen nicht von podcast.de. Die Rechte liegen bei: Boyens Medien Am Einfachsten informierst du dich über neue Downloads, indem du den Podcast De Döschkassen abonnierst. Das geht per E-Mail, online oder mit einem Podcatcher und ohne iTunes. Ein Podcatcher ist eine spezielle Software zum Abonnieren und Herunterladen von Inhalten aus Podcasts.