Audio Bombenklima op de Welt

De Döschkassen Podcast04.12.19 15:42 Uhr

Bombenklima op de Welt von Heiko Kroll

Dauer: 00:02:52

Wat hett Angela Merkel vörgüstern noch bi de Generaldebatte in Reichsdag seggt? Ach jo, wi as groote Instrienatschoon schulln de annern wiesen, wat man gegen den Klimawannel dohn kann, ook wenn wi blots een Perzent vun de Weltbevölkerung sünd un gor ni so dull sünnigt, as annere Länner.

Dor kann man je nix gegen seggen. De ut de Oppositschoon, de vörher unkt hebbt, wat dat Klimapaket vun de Regeerung veels to lasch weer, seggt nu, dat düssed lasche Paket veels to streng för de Wirtschop is un ehr utbremst. Aha... Mutt man ni verstohn, is overs so – oder so ähnli.

Annerlei. Merkel hett je al ’n ganz annern Plon, vun den man overs blots wat mitkreegen hett, wenn man bi de annern Norichen düsse Week genau toheuert hett.

Wenn dat nömli so is, dat veele annere Länner veel mehr för den Klimawannel künnt as wi, denn mutt man kieken, dat de Dorsten dormit opholn doht dat Klima to versau’n. Intwüschen ward je ook al vun „Klimanotstand“ snackt.

Nu wüllt de annern overs gor ni mit ehr Klimasünnen opholn, denn se sünnigt je ook dorför, dat wi genog Rohstoffe för de Windkraftanlogen un Elektroautos bi uns hebbt. Un nu? Ganz eenfach: Man mutt den Rest vun de Welt mit so veel Waffen versorgen, dat se sick gegensiedig in de Steentied trüchballert. Dor mutt man blots een un een tosomtelln könen. Un reeken, dat kann Angie.

Dütschland hett 2019 nömli al meist dubbelt so veel Waffen exporteert as in’t gesamte vörige Johr un ook meist so veel as in’t Rekordjohr 2015. Dat weer dree Johr, no dat de EU den Freedensnobelpries kreegen hett. De EU is je ook ganz freedlich. Se hölpt blots den Rest vun de Welt dorbi weniger freedlich to ween. Un nu, wo Flinten-Uschi vun de Leyen EU-Chefin ward, also „EUrsula“, kümmt wohrschienli noch mehr Schwung in de Sook. Schier!

Wi mööt nu blots aftööven, bet de annern sick wechbombt hebbt un denn künnt wi bi all de Klimasünners Opbuarbeit leisten, wat uns‘ Wirtschop weller in schwung bringt. Dor mutt man erstmol op komen!

Jo. Se is so’n richtiged Slitzohr de Bunneskanzler Fruu Merkel...

In düssen Sinn


Die Sendung ist eine Audio-Datei aus der Liste des Podcasts De Döschkassen, die du hier downloaden und online anhören kannst. Informiere dich über den De Döschkassen Podcast Download.

* Download/Wiedergabe im Player erfolgen direkt vom Server des Anbieters.

Stichwörter

Stichwort hinzufügen

Kommentare

Boyens Medien

MP3 online hören: Bombenklima op de Welt

Podcast Download - Folge Bombenklima op de Welt online hören Verpasse keine Folge dieses Podcasts. Bombenklima op de Welt MP3 online hören, solange die Datei verfügbar ist. Die Dateien können jederzeit vom Anbieter offline genommen werden. Die Inhalte stammen nicht von podcast.de. Die Rechte liegen bei: Boyens Medien Am Einfachsten informierst du dich über neue Downloads, indem du den Podcast De Döschkassen abonnierst. Das geht per E-Mail, online oder mit einem Podcatcher und ohne iTunes. Ein Podcatcher ist eine spezielle Software zum Abonnieren und Herunterladen von Inhalten aus Podcasts.